فوتو: polisia.kz
جامبىل وبلىسىندا كەلٸن ەنەسٸنٸڭ اتىنا ونىڭ رۇقساتىنسىز نەسيە رەسٸمدەپ, الاياقتىق جاساعانى ٷشٸن سوتتالدى, دەپ حابارلايدى Ult.kz.
سوتتا انىقتالعانداي, 2025 جىلدىڭ قاراشاسىندا ايىپتالۋشى ٶز اتىنا نەسيە الا الماعان سوڭ, بەلگٸسٸز ادامنىڭ كٶمەگٸمەن قايىن ەنەسٸنٸڭ اتىنان قارىز رەسٸمدەۋگە بارعان. ول ەنەسٸنٸڭ تەلەفونىن پايدالانىپ, SMS ارقىلى كەلگەن راستاۋ كودتارىن ەنگٸزٸپ, بەت-ەلپەتتٸ ونلاين تەكسەرۋدەن الداپ ٶتكەن.
نەتيجەسٸندە كەلٸن 1,5 ميلليون تەڭگە كٶلەمٸندە نەسيە رەسٸمدەپ, اقشانىڭ باسىم بٶلٸگٸن جەكە قاجەتتٸلٸكتەرٸنە جۇمساعان. ال ەنەسٸ قارىز تۋرالى تەك اي سايىن تٶلەم جاساۋ تۋرالى حابارلامالار كەلگەندە عانا بٸلگەن.
سوت بارىسىندا ايىپتالۋشى كٸنەسٸن تولىق مويىنداپ, ٶكٸنٸش بٸلدٸردٸ. پروكۋرور بٸر جىلعا باس بوستاندىعىنان ايىرۋدى سۇراعانىمەن, سوت ونىڭ ٶكٸنۋٸ مەن جاس بالالارى بارىن ەسكەرٸپ, 1 جىلعا باس بوستاندىعىن شەكتەۋ جازاسىن تاعايىندادى.
سوت شەشٸمٸ قازاقستان رەسپۋبليكاسىنىڭ قىلمىستىق كودەكسٸنٸڭ 190-بابى بويىنشا شىعارىلدى. سونىمەن قاتار سوت جەبٸرلەنۋشٸنٸڭ 1,5 ميلليون تەڭگە كٶلەمٸندەگٸ ماتەريالدىق شىعىنىن تولىق ٶندٸرٸپ بەرۋ تۋرالى تالابىن قاناعاتتاندىردى.
