Foto: polisia.kz
Jambyl oblysynda kelin enesiniń atyna onyń ruqsatynsyz nesie rásimdep, alaiaqtyq jasaǵany úshin sottaldy, dep habarlaidy Ult.kz.
Sotta anyqtalǵandai, 2025 jyldyń qarashasynda aiyptalýshy óz atyna nesie ala almaǵan soń, belgisiz adamnyń kómegimen qaiyn enesiniń atynan qaryz rásimdeýge barǵan. Ol enesiniń telefonyn paidalanyp, SMS arqyly kelgen rastaý kodtaryn engizip, bet-álpetti onlain tekserýden aldap ótken.
Nátijesinde kelin 1,5 million teńge kóleminde nesie rásimdep, aqshanyń basym bóligin jeke qajettilikterine jumsaǵan. Al enesi qaryz týraly tek ai saiyn tólem jasaý týraly habarlamalar kelgende ǵana bilgen.
Sot barysynda aiyptalýshy kinásin tolyq moiyndap, ókinish bildirdi. Prokýror bir jylǵa bas bostandyǵynan aiyrýdy suraǵanymen, sot onyń ókinýi men jas balalary baryn eskerip, 1 jylǵa bas bostandyǵyn shekteý jazasyn taǵaiyndady.
Sot sheshimi Qazaqstan Respýblikasynyń Qylmystyq kodeksiniń 190-baby boiynsha shyǵaryldy. Sonymen qatar sot jábirlenýshiniń 1,5 million teńge kólemindegi materialdyq shyǵynyn tolyq óndirip berý týraly talabyn qanaǵattandyrdy.
