«اتامەكەن» ۇكپ تٶرالقاسىنىڭ تٶراعاسى تيمۋر قۇلىباەۆ ناقتى اقشالاي تابىسىنا كٶڭٸل بٶلۋدٸ ۇسىندى, دەپ حابارلايدى قازاقپارات.
ونىڭ ايتۋىنشا, سوڭعى 4 جىلدا ازىق-تٷلٸك باعاسى 37%, ٶزگە تاۋارلار 42%-عا قىمباتتادى. ال حالىقتىڭ ناقتى اقشالاي تابىسى نەبارى 11%-عا ٶستٸ. حالىق باستاپقى قاجەتتٸلٸكتەرگە قاراجات جەتٸسپەۋشٸلٸگٸن تۇتىنۋشىلىق نەسيە ارقىلى شەشۋگە مەجبٷر. نەتيجەسٸندە ازاماتتارعا بەرٸلگەن نەسيە كٶلەمٸ 22%-عا نەمەسە 6,2 ترلن تەڭگەگە دەيٸن ٶستٸ, ال نەسيەنٸڭ جارتىسىنان كٶبٸ كەپٸلسٸز بەرٸلگەن. سوندىقتان مۇنداي نەسيەلەۋدە ٷلكەن سىن-قاتەر بار.
«مەملەكەت باسشىسىنىڭ تاپسىرماسىمەن ٷكٸمەت مۇعالٸمدەر مەن مەديتسينا قىزمەتكەرلەرٸنٸڭ جالاقىسىن كٶتەرۋ تۋرالى شەشٸم قابىلداعانىن بٸلەسٸزدەر. 1,6 ميلليوننان اساتىن بيۋدجەتتٸك قىزمەتكەرلەردٸڭ مەرتەبەسٸن كٶتەرۋ ٷشٸن جالاقىلارىن كٷرت ارتتىرۋ قاجەت. بيۋدجەتتٸك قىزمەتكەرلەردٸڭ جالاقى قورى 2,2 ترلن تەڭگەگە باعالانىپ وتىرعانىن ەسكەرسەك, جوعارىدا اتالعان ٶسٸم ٷشٸن ٷش جىلعا 2,9 تريلليون تەڭگە نەمەسە جىل سايىن ورتا ەسەپپەن 1 ترلن تەڭگە قاجەت. سونىمەن بٸرگە, بٸز ازاماتتاردىڭ كٸرٸسٸنٸڭ ٶسۋٸنە تەك بيۋدجەت ەسەبٸنەن قول جەتكٸزۋگە بولمايتىنىن تٷسٸنەمٸز. ەڭبەككە قابٸلەتتٸ جاستاعى حالىقتىڭ 80% جەكە سەكتوردا جۇمىس ٸستەيدٸ. سوندىقتان ناقتى سەكتوردى دامىتۋعا باسا نازار اۋدارۋ كەرەك. مۇندا ەكٸ نەگٸزگٸ اسپەكت بار: قارجى مەن ٶتكٸزۋدٸڭ قولجەتٸمدٸ بولۋى», - دەدٸ ت. قۇلىباەۆ قر پارلامەنتٸ مەجٸلٸسٸندە ٶتكەن دەپۋتتارمەن كەزدەسۋدە.
ونىڭ ايتۋىنشا, ناقتى سەكتوردى نەسيەلەۋدە تۇرالاۋ بايقالادى. قازٸرگٸ ۋاقىتتا بانكتەردٸڭ نەسيە پورتفەلٸ 13,4 ترلن تەڭگەنٸ قۇرايدى. ٶتكەن جىلمەن سالىستىرعاندا زاڭدى تۇلعالارعا بەرٸلگەن نەسيە كٶلەمٸ 5,4% تٶمەندەگەن. شاعىن جەنە ورتا بيزنەس نەسيەسٸ 12,5% تٶمەندەدٸ. 2018 جىلى جٸٶ-دەگٸ بانكتٸك قارىزداردىڭ ٷلەسٸ 56,5%-دان 21,2%-عا دەيٸن تٶمەندەدٸ. ورتاشا كەسٸپورىنداردىڭ سانى دا ازايىپ, نەگٸزگٸ كاپيتالعا ينۆەستيتسييا ازايىپ كەلەدٸ.
سونداي-اق, ت.قۇلىباەۆ 2019 جىلدىڭ قازان ايىندا جٷرگٸزٸلگەن جەدەل ساۋالناما نەتيجەسٸن ايتىپ, ٶندٸرٸستٸك كەسٸپورىنداردىڭ 60%-ىندا اينالىم قاراجاتىن الۋعا نەسيە الۋ پروبلەمالارى بار ەكەنٸن جەتكٸزدٸ. بۇل كٶبٸنەسە بانكتەردٸڭ جوعارى سۇرانىسىنا, نەسيە ستاۆكاسىنىڭ جوعارى دەڭگەيٸنە جەنە كەپٸلدٸك بازانىڭ بولماۋىنا بايلانىستى كٶرٸنەدٸ.
