ەڭبەك جەنە حالىقتى ەلەۋمەتتٸك قورعاۋ مينيسترٸ تامارا دٷيسەنوۆا جۇمىس ٷستٸندە قانشا قازاقستاندىقتىڭ ٶمٸرٸ قيىلعانى تۋرالى ايتىپ بەردٸ, دەپ حابارلايدى قازاقپارات.
«ەگەر جىل سايىنعى ستاتيستيكاعا سٷيەنسەك, 1 500-دەن استام جۇمىسشى ٶندٸرٸستە جاراقات الادى, 250-گە جۋىق ادامنىڭ ٶمٸرٸ قيىلادى. سونىمەن بٸرگە وسىنداي جاراقاتتاردىڭ 16 پايىزى - قۇرىلىس سالاسىنا, 15 پايىزى تاۋ-كەن مەتاللۋرگييا سالاسىنا تيەسٸلٸ», - دەپ اتاپ ٶتتٸ مينيستر ٷكٸمەت وتىرىسىندا.
ايتا كەتەيٸك, ٷكٸمەت وتىرىسىندا قر ينۆەستيتسييالار جەنە دامۋ مينيسترٸ جەڭٸس قاسىمبەك بٷگٸندە مينيسترلٸكتٸڭ قاداعالاۋىندا 230 مىڭنان اسا قاۋٸپتٸ ٶندٸرٸستٸك نىساندى قامتيتىن 9 مىڭنان اسا كەسٸپورىن بار ەكەنٸن اتاپ ٶتتٸ. وسى ورايدا جەراستى كەنٸشتەرٸ مەن كٶمٸر شاحتالارى, كارەرلەر مەن رازرەزدەر, مۇناي جەنە گاز ٶندٸرۋ كەن ورىندارى, مەتاللۋرگييا, سونداي-اق حيمييا, مۇناي ٶڭدەۋ زاۋىتتارى, اتوم ٶنەركەسٸبٸ, ماگيسترالدىق قۇبىرلار قامتىلعان.
ۆەدومستۆو باسشىسىنىڭ ايتۋىنشا, سوڭعى جىلداردا قاۋٸپتٸ ٶندٸرٸستٸك نىسانداردىڭ اپاتسىز جۇمىسى بويىنشا وڭ قارقىن بايقالۋدا.
«وسىلايشا, 2016 جىلعى اپاتتاردىڭ سانى 2008 جىلمەن سالىستىرعاندا 60 پايىزعا (58-دەن 23 اپاتقا) ازايدى. اپات نەتيجەسٸندە زارداپ شەككەندەر سانى 4 ەسەگە (102 ادامنان 28 ادامعا) تٶمەندەگەن», - دەدٸ جەڭٸس قاسىمبەك.
اعىمداعى جىلدىڭ 10 ايى ٸشٸندە رەسپۋبليكانىڭ قاۋٸپتٸ ٶندٸرٸستٸك نىساندارىندا 11 اپات ورىن الدى, ال 2016 جىلدىڭ دەل وسى كەزەڭٸندە 14 اپات بولعان (21 پايىزعا تٶمەندەدٸ). سالدارىنان 12 ادام زارداپ شەگٸپ, 4 ادام قازا تاپتى.
