دەنساۋلىق ساقتاۋ مينيسترٸ ەلجان بٸرتانوۆ دەرٸگەرلەردٸڭ كوروناۆيرۋس جۇقتىرۋ فاكتٸلەرٸنٸڭ بەرٸ تەكسەرٸلەتٸنٸن مەلٸم ەتتٸ, دەپ حابارلايدى قازاقپارات.
«سوڭعى دەرەكتەر بويىنشا ەلٸمٸزدە كوروناۆيرۋس ينفەكتسيياسىن جۇقتىرعان 579 مەديتسينالىق قىزمەتكەر بار. جالپى كارانتين كەزەڭٸندە دەل وسى دەرٸگەرلەردٸڭ ۆيرۋستى جۇقتىرۋ قاۋپٸ جوعارى», - دەدٸ ەلجان بٸرتانوۆ تەنگرينيۋس Instagram پاراقشاسىنىڭ تٸكەلەي ەفيرٸندە.
مينيستردٸڭ ايتۋىنشا, قازٸرگٸ تاڭدا ەلٸمٸزدە كوروناۆيرۋس جۇقتىرعان ازاماتتاردىڭ 80 پايىزى اۋرۋدى بەلگٸسٸ جوق كٷيدە كٶتەرەدٸ.
«ەلدە كوروناۆيرۋس جۇقتىرعاندار سانى از بولعان كەزدە بەرٸن تەستتەن ٶتكٸزۋدٸڭ قاجەتتٸگٸ تۋىندامادى. الايدا مەسەلەن اۋرۋحاناعا قولىن سىندىرىپ تٷسٸپ جاتقانداردىڭ ٶزٸنەن كوروناۆيرۋس انىقتالىپ جاتتى. ولاردى بٸرٸنشٸ قابىلداپ, ەمدەيتٸن دەرٸگەرلەر. ولار وسىلايشا دەرٸگەرلەرگە ۆيرۋس جۇقتىرۋى مٷمكٸن. سول سەبەپتٸ مەديتسينا قىزمەتكەرلەرٸنٸڭ اۋرۋدى جۇقتىرىپ الۋى بەرٸمٸزگە وڭاي تيٸپ تۇرعان جوق. ناۋقاستارمەن تٸكەلەي جۇمىس جٷرگٸزٸپ جاتقاندار دا سولار. ەكٸنشٸدەن كەي جاعدايدا سانيتارلىق تالاپتاردىڭ ساقتالماۋى دا سەبەپ بولاتىنى بار», - دەدٸ ول.
ەلجان بٸرتانوۆ دەرٸگەرلەردٸڭ كوروناۆيرۋستى جۇقتىرۋىنىڭ ەربٸر وقيعاسى بويىنشا ەپيدەميولوگييالىق تەرگەۋ جٷرگٸزٸلەتٸنٸن ەسكە سالدى.
«مەديتسينا قىزمەتكەرلەرٸنٸڭ ناۋقاستانىپ جاتقانىن كٶرٸپ وتىرمىز. الايدا بۇل مەسەلەنٸڭ ماڭىندا قولدان جاسالعان دٷربەلەڭدٸ تۋعىزباي-اق قويالىق. بۇرىس باعا بەرۋدٸڭ قاجەتٸ جوق. زاڭدى تٷردە مەسەلەنٸڭ انىق-قانىعىنا جەتۋگە مۇرسات بەرٸڭٸزدەر. بٸزدٸڭ عانا تەكسەرۋٸمٸز ەمەس, پروكۋراتۋرا سەكٸلدٸ باقىلاۋ ورگانى دا بۇل مەسەلەمەن جٸتٸ اينالىسادى. ەڭ باستىسى – اۋرۋدىڭ جەڭۋگە ماڭىز بەرٸپ, ەپيدەميياعا قارسى جۇمىس جٷرگٸزۋگە مٷمكٸندٸك بەرٸڭٸزدەر», - دەيدٸ ەلجان بٸرتانوۆ.
