«حابار» ارناسىنىڭ «تالقى» باعدارلاماسىندا ەلتاڭبانى ٶزگەرتۋگە قاتىستى پٸكٸرتالاس بولدى.
ايتا كەتەيٸك, مەملەكەت باسشىسى قاسىم-جومارت توقاەۆ ۇلتتىق قۇرىلتايدىڭ ٷشٸنشٸ وتىرىسىنداعى سٶزٸندە ەلتاڭبامىزعا قاتىستى سىني پٸكٸرلەر ايتىلىپ جاتقانىن جەنە ونى كەڭەس زامانىنداعى گەربكە ۇقساتىپ جاتاتىنىن ايتقان.
«تىم ەكلەكتيكالىق, كٷردەلٸ دەيدٸ. مۇنداي ويدى ەل ٸسٸنە بەي-جاي قارامايتىن بەلسەندٸ ازاماتتار عانا ەمەس, ماماندار دا ايتىپ جٷر. ورىندى پايىمدار ەسكەرۋسٸز قالماۋى كەرەك. ورتاق كەلٸسٸمگە كەلگەن جاعدايدا ارناۋلى كوميسسييا قۇرۋعا بولادى. بۇل كوميسسييا مەسەلەنٸ جان-جاقتى قاراستىرىپ, قوعامدىق تالقىلاۋ ٶتكٸزەدٸ. سوسىن قازاقستاننىڭ جاڭا ەلتاڭباسىنىڭ جوباسىن جاساۋعا اشىق بايقاۋ جارييالانادى – دەدٸ توقاەۆ قۇرىلتايدا.
باعدارلاما اۆتورلارى كٶرەرمەندەر اراسىندا ساۋالناما جٷرگٸزٸپ جۇرتتان «ەلتاڭبا ۇناي ما» دەپ سۇراعان. نەتيجەسٸندە 70% «ۇنايدى», 9% «ٶزگەرتۋ كەرەك», 8% «مٷلدەم ۇنامايدى», 13% «ول تۋرالى ويلانبادىم» دەپ جاۋاپ بەرگەن.
باعدارلاماعا قوناق بولىپ قاتىسقان قر پارلامەنتٸ مەجٸلٸسٸنٸڭ دەپۋتاتى ەركٸن ەبٸل وسى مەسەلە بويىنشا دەپۋتاتتىق ساۋال جولداعانىن ايتتى.
«ٶزگەرتەمٸز, ەلدە ٶزگەرتپەيمٸز دەپ ەلٸ شەشٸم قابىلدانعان جوق. تەك قانا تالقىلاۋدىڭ نەتيجەسٸندە شەشٸم قابىلدانۋى كەرەك. ەكٸنشٸدەن, نەگٸزگٸ قارسى شىعىپ جاتقان كٶبٸ قارجىلىق شىعىن جٶنٸندە ايتادى. دەپۋتاتتىق ساۋالىمىزدا وسىعان باستى نازار اۋداردىق, ٷكٸمەتكە ٶزگەرتكەن جاعدايدا قانشا قاراجات كەرەگٸن بٸزگە ەسەپتەپ بەرۋ. الدىمەن وسى مەسەلەنٸ شەشٸپ الۋىمىز كەرەك», - دەدٸ ول.
باعدارلاماعا قر مەدەنيەت جەنە اقپارات مينيسترلٸگٸ گەرالديكالىق زەرتتەۋلەر ورتالىعىنىڭ باس مامانى اسىلجان بيجانوۆ تا قاتىستى. ول ەلتاڭباعا وسى ۋاقىتقا دەيٸن نەشە رەت ٶزگەرتۋلەر ەنگٸزٸلگەنٸن ايتتى.
«ەلتاڭباعا 1998, 2006, 2008, 2018 جىلدارى كٸشٸگٸرٸم ٶزگەرٸستەر ەنگٸزٸلدٸ. ول كەزدە بەينەسٸ تٷبەگەيلٸ ٶزگەرگەن جوق, دەتالدارعا عانا ٶزگەرٸستەر ەنگٸزٸلدٸ. ەلتاڭبا ەۋ باستان التىن جالاتىلعان بولۋى كەرەك بولعان, قازٸر بٸراز قانىق التىن تٷس بولدى», - دەيدٸ اسىلجان بيجانوۆ.
باعدارلاما بارىسىندا قازٸرگٸ ەلتاڭبا مەن بۇرىنعى كەڭەس وداعىنداعى ەلتاڭبا سالىستىرىلدى. ەركٸن ەبٸل ەلتاڭبادا تاريحپەن بايلانىستىراتىن بٸر سيمۆول بولۋى كەرەك دەپ ەسەپتەيدٸ.
باعدارلاما قوناعى اقىن جۇلدىز تويبەك ەلتاڭبانى ٶزگەرتۋگە مٷلدەم قارسى ەكەنٸن ايتتى.
«294 ٷمٸتكەردٸڭ ٸشٸنەن جەڭٸپ شىققان بۇل ەلتاڭبامىز حالىقتىڭ جٷرەگٸنەن جول تاپتى. كسرو مەن بٸزدٸڭ ەلتاڭبا اراسىندا ايىرماشىلىق ٶتە كٶپ. بٸزدٸڭ ەلتاڭباداعى شاڭىراق – ۇلتىمىزدىڭ شاڭىراعى. وسى شاڭىراقتىڭ استىندا كٶپتەگەن ۇلت پەن ۇلىستار ٶمٸر سٷرٸپ جاتىر», - دەدٸ جۇلدىز تويبەك.
«جاڭا ادامدار» جاستار قوزعالىسى الماتى جەنە استانا قالالارىندا ەرتٷرلٸ جاستاعى 500 ادام اراسىندا ساۋالناما جٷرگٸزٸپ, كٶپشٸلٸكتەن ەلتاڭبانى قانشالىقتى تانيتىنىن سۇراعان.
جاستار قوزعالىسىنىڭ مٷشەسٸ المات قۋانىشتىڭ ايتۋىنشا, ساۋالناماعا قاتىسقانداردىڭ 70%-ى بٸزدٸڭ ەلتاڭبانىڭ قانداي بەينەدە ەكەنٸن بٸلمەيتٸن بولىپ شىققان.
«ەلتاڭبانىڭ قانداي ەكەنٸن بٸلمەسە, دەمەك ەلتاڭبانىڭ جەتكٸزگٸسٸ كەلگەن ويىن مٷلدەم تٷسٸنبەيدٸ دەگەن سٶز, ياعني مەملەكەتتٸك رەمٸز رەتٸندە ول مەملەكەتتٸڭ باعدارىن, الداعى ماقساتتارىن بەلگٸلەۋٸ كەرەك. ال ونداي قۇندىلىقتاردى حالقىمىز تٷسٸنبەسە جەنە سەزٸنبەسە, دەمەك ەلتاڭبا ٶزٸنٸڭ باستى فۋنكتسيياسىن ورىنداپ تۇرعان جوق دەگەن سٶز», - دەيدٸ المات قۋانىش.
