قازاقستان رەسپۋبليكاسى مەملەكەتتٸك ەلتاڭباسىنىڭ اۆتورى شوت-امان ۋەليحانوۆ 88 جاسىندا دٷنيەدەن ٶتتٸ. قارالى حاباردى مەدەنيەت جەنە سپورت مينيسترٸ اقتوتى رايىمقۇلوۆا جەتكٸزدٸ, دەپ حابارلايدى "ۇلت اقپارات".
رايىمقۇلوۆا قازاقستان مəدەنيەت جəنە سپورت مينيسترلٸگٸنٸڭ اتىنان شوت-امان ۋەليحانوۆتىڭ قايتىس بولۋىنا بايلانىستى وتباسى مەن جاقىندارىنىڭ قايعىسىنا ورتاقتاسىپ, كٶڭٸل ايتتى.
«شوت-امان ۋەليحانوۆتىڭ وتباسى مەن تۋعان-تۋىستارىنا!
قازاقستان رەسپۋبليكاسى مəدەنيەت جəنە سپورت مينيسترلٸگٸنٸڭ اتىنان كٶرنەكتٸ سەۋلەتشٸ, پروفەسسور, قازاقستاننىڭ ەڭبەك سٸڭٸرگەن قايراتكەرٸ, «قۇرمەت», «پاراسات», «وتان», «داڭق» وردەنٸنٸڭ يەگەرٸ, قازاقستان رەسپۋبليكاسى مەملەكەتتٸك ەلتاڭباسىنىڭ اۆتورى, تəۋەلسٸز «تارلان» سىيلىعىنىڭ لاۋرەاتى, قر سəۋلەتشٸلەر, ديزاينەرلەر, جازۋشىلار سۋرەتشٸلەر وداعىنىڭ مٷشەسٸ, بٷكٸلەلەمدٸك شىڭعىس حان اكادەميياسىنىڭ, شىعىس ەلدەرٸ حالىقارالىق سەۋلەت اكادەميياسىنىڭ, حالىقارالىق سəۋلەت اكادەميياسىنىڭ اكادەميگٸ (رەسەي فەدەراتسيياسى) شوت-امان ىدىرىسۇلى ۋەليحانوۆتىڭ قايتىس بولۋىنا بايلانىستى وتباسى مەن جاقىندارىنىڭ قايعىسىنا ورتاقتاسىپ, كٶڭٸل ايتامىن.
شوت-امان ىدىرىسۇلى سانالى عۇمىرىن سٷيٸكتٸ ٸسٸنە ارناپ, ماعىنالى ٶمٸر سٷرگەن ٶز ورتاسىنا سىيلى, بولمىسى بٶلەك جان ەدٸ.
ول حالقىمىزدىڭ تاريحىنداعى ارداقتى تۇلعالاردىڭ ەسكەرتكٸشٸن جاساپ, ەر ەسٸمٸن ەل اراسىندا ۇلىقتاۋعا, سەۋلەتٸ كٶز تارتار عيماراتتاردىڭ بوي كٶتەرۋٸنە سٷبەلٸ ٷلەس قوستى.
بۇل قاتاردا ەلوردا تٶرٸندەگٸ كەنەسارى قاسىمۇلى, قوستاناي قالاسىنداعى احمەت بايتۇرسىنۇلى, ەرەيمەنتاۋداعى بٶگەنباي باتىردىڭ, شقو-داعى حاكٸم اباي مەن شەكەرٸمنٸڭ, الماتىداعى شوقان ۋەليحانوۆ, دينا نۇرپەيٸسوۆا, Əلٸبي جانگەلدين, توقاش بوكين, عاني مۇراتباەۆ, نۇرمولدا الدابەرگەنوۆ, تالعات بيگەلدينوۆ, جۇماعالي ساين, تايىر جاروكوۆ, تاحاۋي احتانوۆ, Əبۋ سəرسەنباەۆ, دٸنمۇحامەد قوناەۆ, تٸلەس قاجىعاليەۆ, قۇرماناي وماروۆا, نۇرعالي تاسماعامبەتوۆ, شافيك چوكينگە ارنالعان تۋىندىنى حالىق جاقسى بٸلەدٸ. سول سيياقتى الماتىداعى «دينامو» ستاديونى, الماتى قالاسى əكٸمدٸگٸنٸڭ, قازاق-نەمٸس ۋنيۆەرسيتەتٸ عيماراتىنىڭ, قاراعاندىداعى كوسموناۆتيكا مونۋمەنتٸ سىندى ەڭسەلٸ نىساننىڭ جوباسىن جاسادى.
سەگٸز قىرلى, بٸر سىرلى اعامىز ەلٸمٸزدٸڭ سەۋلەت جەنە بەينەلەۋ ٶنەرٸنٸڭ ٶزەكتٸ مەسەلەلەرٸن كٶتەرگەن كٶپتەگەن عىلىمي ماقالامەن قاتار بٸرقاتار درامالىق شىعارما جازدى. ولاردىڭ قاتارىندا «تاعدىر», «شوقاننىڭ انتى», «اقنۇر», «شوقاننىڭ اق تٷندەرٸ», «تەررور» اتتى پەساسى بار.
عيبراتتى ازاماتتىڭ اسىل بەينەسٸ, ەرەن ەڭبەگٸ تۋعان-تۋىس پەن قالىڭ قازاقتىڭ كٶڭٸل تٶرٸ مەن جٷرەك تٷكپٸرٸندە مəڭگٸ ساقتالادى.
مارقۇمنىڭ كٶزٸ تٸرٸسٸندە جاساعان يگٸ-جاقسى امالدارى الدىنان جارىلقاسىن. جاتقان جەرٸ جايلى, توپىراعى تورقا, الدى پەيٸش, ارتى كەنٸش بولسىن!», - دەپ جازدى مينيستر ٶزٸنٸڭ Instagram پاراقشاسىندا.
ايتا كەتەيٸك, شوت-امان ۋەليحانوۆ 1932 جىلى سولتٷستٸك قازاقستان وبلىسى ايىرتاۋ اۋدانى سىرىمبەت اۋىلىندا تۋعان.
1956 جىلى مەسكەۋ مەملەكەتتٸك سەۋلەتشٸ ينستيتۋىن بٸتٸرگەن.
