ەلوردا 2023 جىلعا دەيٸن ناقتىلانعان بيۋدجەتٸندە قالانىڭ 4 اۋدانىنا قوماقتى قاراجات بٶلۋ قاراستىرىلعان. بۇل تۋرالى نۇر-سۇلتان قالالىق ەكونوميكا جەنە بيۋدجەتتٸك جوسپارلاۋ باسقارماسىنىڭ باسشىسى قايسار ماڭقاراەۆ ايتتى, دەپ حابارلايدى قازاقپارات تٸلشٸسٸ.
«الماتى» اۋدانى ەكٸمٸنٸڭ اپپاراتىنىنا - 1 ملرد 130 ملن, «بايقوڭىر» اۋدانى ەكٸمٸنٸڭ اپپاراتىنا - 181 ملن, «ەسٸل اۋدانى» ەكٸمٸنٸڭ اپپاراتىنا 2 ملرد 79 ملن جەنە «سارىارقا» اۋدانى ەكٸمٸنٸڭ اپپاراتىنا 1 ملرد 363 ملن تەڭگە قاراجات قوسىمشا كٶزدەلٸپ وتىر», - دەدٸ ول نۇر-سۇلتان قالالىق مەسليحاتىنىڭ كەزەكتەن تىس 76-شى سەسسيياسىندا.
ونىڭ اتاپ ٶتۋٸنشە, بٶلٸنگەلٸ وتىرعان اتالعان قوسىمشا قاراجات قالانى اباتتاندىرۋ جۇمىستارىن اياقتاۋعا, سونىمەن قاتار اۋدانداردى سانيتارلىق تازارتۋ جۇمىستارىن جۇمسالادى.
بۇعان دەيٸن ول ەلوردانىڭ 2023 جىلعا دەيٸنگٸ ناقتىلاعان بيۋدجەتٸن مەسليحات دەپۋتاتتارىنىڭ نازارىنا ۇسىنعانىن حابارلاعان ەدٸك.
«جەرگٸلٸكتٸ بيۋدجەتتٸ بۇل جولعى ناقتىلاۋ مەملەكەت باسشىسىنىڭ بيىلعى 1 قىركٷيەكتەگٸ جولداۋىنان تۋىنداعان ماقساتتار مەن مٸندەتتەردٸ جٷزەگە اسىرۋ ماقساتىندا جٷرگٸزٸلٸپ وتىر. جٷرگٸزٸلگەن ساراپتاما مەنشٸكتٸ كٸرٸستەردٸڭ ٸس جٷزٸندەگٸ تٷسٸمٸندە جوسپارلاردى 22,2 ملرد تەڭگەگە ارتتىرىپ, 327 226 ملن تەڭگەگە جەتكٸزۋگە مٷمكٸندٸك بار ەكەندٸگٸن انىقتادى. ونىڭ ٸشٸندە سالىقتىق تٷسٸمدەردٸ 18,5 ملرد تەڭگەگە ۇلعايتىپ, 301 376 ملن تەڭگەگە ارتتىرۋ جوسپارلانىپ وتىر», - دەگەن ەدٸ ول.
