ەلوردالىق پوليتسەيلەر سۋيتسيد جاساماق بولعان ەيەلدٸ قۇتقاردى. ولار التىنشى قاباتتاعى بالكوننان سەكٸرمەك بولعان ەيەلدٸ ٸشتەن كەلٸپ ۇستاپ ٷلگەردٸ, دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
23 سەۋٸر كٷنٸ نۇر-سۇلتان قالالىق پد جەدەل باسقارۋ ورتالىعىنىڭ 102 نٶمٸرٸنە تۇرعىنداردان حابار تٷسكەن. ولار د.قوناەۆ كٶشەسٸندەگٸ تۇرعىن ٷيدە بويجەتكەن 6-قاباتتاعى بالكونان سەكٸرٸپ كەتپەك بولىر تۇرعانىن جاتقانىن جەتكٸزگەن.
وقيعا ورنىنا ٷش مينۋتتىڭ ٸشٸندە قۇرامىندا پاترۋلدٸك پوليتسييا پولكٸنٸڭ ينسپەكتورى بەرٸك اقكٶزوۆ پەن فارحاد تٷكەنوۆ بار پوليتسييا جاساعى كەلدٸ. ولار ەينەكپەن جابىلعان بالكوننىڭ سىرتىندا اياعىن تٶمەنگە سالىپ سەكٸرمەك بولىپ وتىرعان ەيەلدٸ كٶرەدٸ.
ولار كٷيزەلٸستە تۇرعان ادامدى سٶزگە تارتادى. فارحاد تٷكەنوۆ تىستا قالىپ, ەيەلدٸ مۇنداي اعات قادامعا بارماۋعا كٶندٸرە باستايدى. ەكٸنشٸ قىزمەتكەر التىنشى قاباتقا كٶتەرٸلٸپ, كٶپ ۋاقىت جوعالتپاي ەسٸكتٸڭ قۇلپىن بۇزىپ ٸشكە پەتەرگە كٸرٸپ ٷلگەرەدٸ.
