استانادا 100-گە جۋىق بيۋدجەت قىزمەتكەرٸ تۇرعىن ٷي سەرتيفيكاتى بويىنشا العاشقى زاەمدارعا يە بولدى.
ٶتكەن جىلى قولعا الىنعان بيۋدجەت قىزمەتكەرلەرٸنە ارنالعان جوباعا سەيكەس قالالىق ەكٸمدٸك ٷش سالا بويىنشا (ۇستازدار, دەرٸگەرلەر جەنە پوليتسييا ماماندارى) قىزمەتكەرلەر تٸزٸمٸن تۇرعىن ٷي قۇرىلىسى جيناق بانكٸنە جولدايدى. ودان ەرٸ, بانك بيۋدجەت قىزمەتكەرلەرٸنٸڭ تابىسى مەن تٶلەم قابٸلەتٸن قاراستىرادى. سونىڭ نەگٸزٸندە العاشقى زاەم تابىس ەتٸلەدٸ, دەپ حابارلادى ەلوردا ينفو.
"ٶزدەرٸڭٸز بٸلەتٸندەي, 2018 جىلدىڭ جەلتوقسانىندا قالالىق ەكٸمدٸكپەن بيۋدجەت سالاسى قىزمەتكەرلەرٸنە ارنالعان بٸرلەسكەن جوبانى قولعا الدىق. ول ماقساتتا 100 ميلليون تەڭگە بٶلٸندٸ, ونىڭ 90 ميلليونى 90 ادامعا تابىس ەتٸلدٸ. بٷگٸن سول ازاماتتار سول تۇرعىن ٷي سەرتيفيكاتتارى بويىنشا العاشقى زاەمدارىن الۋدا. سول سيياقتى بيىل اتالعان جوبا ٶز جالعاسىن تابادى, ول ٷشٸن ەكٸمدٸكتەن 2 ميلليارد تەڭگە قاراجات قاراستىرىلۋدا", - دەدٸ تۇرعىن ٷي قۇرىلىس جيناق بانكٸ ورتالىق فيليالىنىڭ ديرەكتورى جانسۇلتان ماتاەۆ.
ونىڭ ايتۋىنشا, تۇرعىن ٷي سەرتيفيكاتىن الۋشىلاردىڭ تٸزٸمٸن قالالىق ەكٸمدٸك جاساقتاپ بەرەدٸ. تٸزٸمدەگٸلەردٸڭ ٶتٸنٸش بەرگەن سەتتە استانادا جەنە ونىڭ ماڭايىندا باسپاناسى بولماۋى تيٸس.
"سەرتيفيكاتتى العان سوڭ باسپانا قاراستىرا باستادىم. ەرينە بۇل جەردە تٶلەم قابٸلەتٸ ٶتە ماڭىزدى, سوندىقتان ەركٸم ٶز شاماسىنا قارايباسپانا ٸزدەيدٸ. مەن تۇرعىن ٷي قۇرىلىس جيناق بانكٸنە 2 ميلليون تەڭگە جيناقتادىم جەنە ەكٸمدٸك تابىستاعان 1 ميلليون بار, سول قاراجاتپەن ٶتٸپ وتىرمىن. ياعني بانك مەنٸڭ تٶلەم قابٸلەتٸمدٸ باعالاي كەلە, 7% مٶلشەرلەمەسٸن 3,8%-عا تٶمەندەتە وتىرىپ 15 جىلعا نەسيە بەردٸ", - دەدٸ جاڭا باسپاناعا يە بولعان قالالىق №13 مەكتەپتٸڭ مۇعالٸمٸ لاۋرا بايمىرزاەۆا.
ەسكە سالساق, ٶتكەن جىلدىڭ جەلتوقسان ايىندا استانا قالاسىنىڭ ەكٸمٸ باقىت سۇلتانوۆ قالاداعى 100 بيۋدجەت قىزمەتكەرٸنە باسپانا سەرتيفيكاتىن تابىس ەتكەن بولاتىن.
