تەۋەلسٸزدٸك مەرەكەسٸنە وراي ەلوردا تۇرعىندارى مەن قوناقتارى ٷشٸن ەرەكشە تارتۋ ۇسىنىلدى. «قازاقكونتسەرت» مەملەكەتتٸك كونتسەرتتٸك ۇيىمى نۇرسۇلتان نازارباەۆ حالىقارالىق ەۋەجايىمەن جەنە «قازاقستان تەمٸر جولى» ۇلتتىق كومپانيياسىمەن بٸرلەسٸپ, مەرەكەلٸك ٸس-شارالار كەشەنٸن ۇيىمداستىردى, دەپ حابارلايدى "ۇلت اقپارات".
مەرەكەلٸك ٸس-شارا نۇرسۇلتان نازارباەۆ حالىقارالىق ەۋەجايىنان باستاۋ الدى. «قازاقكونتسەرت» ۇيىمىنىڭ «استانا ميۋزيكل» تەاترى قالا تۇرعىندارى مەن قوناقتارىن مۋزىكالىق قويىلىممەن قۋانتتى. تەاتردىڭ تالانتتى جاستارى ۇلى ابايدىڭ «ايتتىم سەلەم, قالامقاس» ەنٸن, «كەرٸم-اۋ ايداي» اتتى بەلگٸلٸ حالىق ەنٸن دە شىرقادى.
تەۋەلسٸزدٸك مەرەكەسٸنە ارنالعان جوبا «نۇرلى جول» ۆوكزالىندا ٶز جالعاسىن تاپتى. «استانا ميۋزيكل» ەرتٸستەرٸ بۇل جەردە بارشاعا تانىمال «اتامەكەن» ەنٸن ورىنداپ, كٶپشٸلٸكتٸڭ ىقىلاسىنا بٶلەندٸ. تەمٸرجولشىلاردىڭ فورماسىن كيٸپ مۋزىكالىق فلەشموب باستاعان ەرتٸستەر كٶرەرمەندەردٸ تاڭعالدىرىپ, ەرەكشە ەسەر قالدىردى. جولاۋشىلار دا ەنگە قوسىلىپ, پاتريوتتىق سەزٸمگە بٶلەندٸ.
تەۋەلسٸزدٸك مەيرامىن ۇلىقتاعان جوبا بارشاعا مەرەكەلٸك كٶڭٸل-كٷي سىيلاپ, ەلوردالىقتاردىڭ پاتريوتتىق رۋحتارىن كٶتەردٸ. سونداي-اق «قازاقكونتسەرت» ۇيىمى ۇيىمداستىرعان بۇل جوبانىڭ ەلەۋمەتتٸك ماڭىزى دا زور. قوعامدىق ورىنداردا ٶتكەن وسى ەرەكشە قۇتتىقتاۋلار ارقىلى ەرتٸستەر مۋزىكالىق ٶنەردٸ بارشا حالىققا قولجەتٸمدٸ ەتە بٸلدٸ.
