ەلورداعا جٷك ۇشاعىمەن COVID-19, پنەۆمونييا جەنە باسقا دا اۋرۋلاردى ەمدەۋگە قاجەتتٸ دەرٸ-دەرمەكتەر جەتكٸزٸلدٸ, دەپ حابارلايدى "ۇلت اقپارات" قالا ەكٸمدٸگٸنە سٸلتەمە جاساپ.
«مەملەكەت باسشىسىنىڭ تاپسىرماسىنا سەيكەس ٷكٸمەت دەرٸحانالاردى دەرٸ-دەرمەكتەرمەن قامتاماسىز ەتۋ بويىنشا جٷيەلٸ جۇمىس جٷرگٸزۋدە. بۇل جۇمىستى ەلوردا ەكٸمدٸگٸ دە جٷزەگە اسىرۋدا. وسىلايشا, العاشقى جٶنەلتٸلٸم كەزٸندە قالاعا 600 مىڭنان استام دەرٸ-دەرمەك قاپتاماسى جٷك ۇشاعىمەن جەتكٸزٸلدٸ», دەلٸنگەن حابارلامادا.
كەلٸپ تٷسكەن تاۋارلاردىڭ تٸزٸمٸندە دەرٸ-دەرمەكتٸڭ 350-گە جۋىق تٷرٸ بار. مىسالى, كسارەلتو, تسەفترياكسون, كلەكسان, ازيتروميتسين, دەكسامەتازون, مەتيلپرەدنيزولون, يبۋپروفەن, نيمەسۋليد, كارديوماگنيل, لەۆوفلوكساتسين, مەترونيدازول, گەپارين, نيمەسۋليد, يبۋفەن, پاراتسەتامول, وفلوكساتسين جەنە ت.ب.
«ٸرٸ دەرٸحانا جەلٸلەرٸنە جەتكٸزۋ ەرتەڭ باستالادى. سونىمەن قاتار جاقىندا جٷك كٶلٸكتەرٸمەن تاعى دەرٸ-دەرمەك جەتكٸزٸلەدٸ دەپ كٷتٸلۋدە. وسى اپتادا دەرٸ-دەرمەكتەر دەرٸحانالارعا جەتكٸزٸلە باستادى. دەرٸحانالاردى قامتاماسىز ەتۋ جۇمىستارى تۇراقتى نەگٸزدە جٷرگٸزٸلەتٸن بولادى», دەلٸنگەن حابارلامادا.
ەلوردا ەكٸمٸ التاي كٶلگٸنوۆ دەرٸحانا جەلٸلەرٸنٸڭ ديستريبيۋتورلارىمەن, فارماتسەۆتيكالىق كومپانييالار مەن دەرٸحانالاردىڭ ٶكٸلدەرٸمەن كەلٸسسٶزدەر ٶتكٸزدٸ. دەنساۋلىق ساقتاۋ مينيسترلٸگٸمەن بٸرلەسٸپ, ەكٸمدٸك دەرٸ-دەرمەكتەردٸ ساتىپ الۋ مەن ەكەلۋ رەسٸمدەرٸن جەڭٸلدەتۋ, لوگيستيكا بويىنشا قولداۋ كٶرسەتەدٸ.
ۋاقىتىلى اقپارات الۋ ٷشٸن ەلوردا ەكٸمدٸگٸ covid19.astana.kz پاراقشاسىن اشتى, وندا سٸز كوروناۆيرۋس ينفەكتسيياسى تۋرالى رەسمي مەلٸمەتتەردٸ, ونىڭ ٸشٸندە دەرٸحانالاردا دەرٸ-دەرمەكتەردٸڭ بار-جوعىن بٸلە الاسىز. سونىمەن قاتار جاقىن ۋاقىتتا ەلورداعا ساتىپ الىنعان زاتتاردان باسقا, 200 ٶكپەنٸ جاساندى جەلدەتۋ قۇرىلعىسى, 500 فلۋومەتر, 500 وتتەگٸ كونتسەنتراتورى جەنە ەكٸ كومپيۋتەرلٸك توموگراف جەتكٸزٸلەدٸ.
