ەلوردادا تٶتەنشە جاعداي رەجيمٸ 15 سەۋٸرگە دەيٸن سوزىلۋى مٷمكٸن. بۇل تۋرالى قر ٸشكٸ ٸستەر مينيسترٸنٸڭ ورىنباسارى يۋريي يلين ايتتى, دەپ حابارلايدى قازاقپارات.
«تٶتەنشە جاعداي رەجيمٸن الىپ تاستاۋعا قاتىستى شەشٸمدٸ ەكٸم قابىلدايدى. مەنٸڭشە, كوروناۆيرۋسقا قاتىستى جاعدايدى ەسكەرە وتىرىپ, ول 15 سەۋٸرگە دەيٸن جالعاسادى. سوندىقتان وسى مەرزٸمگە دەيٸن نۇر-سۇلتان قالاسىندا تٶتەنشە جاعداي رەجيمٸ بولۋى مٷمكٸن», - دەدٸ يۋريي يلين.
ونىڭ اتاپ ٶتۋٸنشە, ەلوردامەن قاتار قالا تٶڭٸرەگٸندەگٸ ەلدٸ مەكەن ەكٸمدٸكتەرٸ قاردى سىرتقا شىعارۋ جۇمىستارىن قارقىندى جٷرگٸزٸپ جاتىر. جالپى ەل بويىنشا 17 ملن توننادان استام قار ەلدٸ مەكەندەر اۋماعىنان تىسقارى شىعارىلعان.
