نۇر-سۇلتان قالاسىنىڭ ەكٸمٸ التاي كٶلگٸنوۆ «حابار 24» ارناسىنا بەرگەن سۇحباتىندا قوعامدىق كٶلٸك اقىسىنا قاتىستى جوسپارلارىن ورتاعا سالدى, دەپ حابارلايدى قازاقپارات تٸلشٸسٸ.
«قوعامدىق كٶلٸك قاتىناسىنا ەنگٸزٸلگەن ونلاين تٶلەم مەن كارتوچكا جٷيەسٸن پەرمەندٸ شارا دەپ اتاۋعا بولادى. اشىقتىق پەن ترانسپارەنتتٸلٸك ارقاسىندا كٶلەڭكەلٸ ەكونوميكانىڭ ٷلەسٸ ازايدى. ەرينە, قازٸرگٸ تاريفتٸڭ شىعىنى كٶپ. سوندىقتان سۋبسيدييا تٶلەپ وتىرمىز. دەل قازٸر, 2019 جىلدىڭ سوڭىنا دەيٸن تاريفتٸ كٶتەرۋ جوسپاردا جوق», - دەدٸ التاي كٶلگٸنوۆ.
سونداي-اق ەلوردا ەكٸمٸ بٸر اۆتوبۋستان ەكٸنشٸسٸنە تەگٸن اۋىسىپ وتىرۋ رۇقساتىن الىپ تاستاۋ مٷمكٸندٸگٸنە قاتىستى سۇراققا جاۋاپ بەردٸ.
«تەگٸن اۋىسىپ وتىرۋعا كەلەتٸن بولساق, ول قازٸر بار. رەفورما اياسىندا ونىڭ ٶزٸن-ٶزٸ قانشالىقتى اقتايتىنىن قاراۋىمىز كەرەك. ٶيتكەنٸ, اۆتوبۋستاردى كٷتٸپ ۇستاۋ بٸزدٸڭ مٸندەتٸمٸزگە كٸرەدٸ. ٷنەمٸ قوسالقى بٶلشەكتەرٸن جاڭالاپ, جٷرگٸزۋشٸلەرگە ايلىق تٶلەۋ قاجەت. جانارماي ساتىپ الۋ سيياقتى ٶزگە دە شىعىندار بار. ەكونوميكانى دا ەسەپتەيمٸز. سودان كەيٸن عانا شەشٸم قابىلدايمىز», - دەدٸ قالا باسشىسى.
بۇدان بٶلەك, ول استانا ٸرگەسٸندەگٸ قوسشى ەلدٸ مەكەنٸنٸڭ ۇلعايۋى جەنە ونىڭ قالاداعى قوعامدىق كٶلٸك قاتىناسىنا ەسەرٸ جٶنٸندە ايتتى.
«قوسشىدا تۇرعىن ٷي الابى بارعان سايىن اۋقىمىن ارتتىرىپ كەلەدٸ. بٸز قازٸر قوعامدىق كٶلٸككە ٷلكەن قاجەتتٸلٸك پايدا بولعانىن سەزٸنٸپ وتىرمىز. ٶيتكەنٸ قوسشىدا تۇرىپ, ەلوردادا جۇمىس ٸستەيتٸندەردٸڭ سانى ٶتە كٶپ. دەسە دە, ەلوردانىڭ قوعامدىق كٶلٸكتەرٸن دامىتۋ ٷشٸن كٶپ جۇمىس اتقارىلعانىن ەسكەرۋ كەرەك. بٸرٸنشٸدەن, اۆتوپاركتٸڭ باسىم بٶلٸگٸ جاڭارتىلدى. بۇل قۋانتارلىق جايت. ەسٸرەسە بٸزدٸڭ شۇعىل كونتينەنتتٸ كليماتىمىز ٷشٸن بۇل ٶتە ماڭىزدى. جىلى ايالدامالار سالىنىپ جاتىر. بٸز «استانا LRT» كٶلٸك كومپانيياسىنا ەربٸر پروبلەمالى ۋچاسكەمەن جٷيەلٸ تٷردە اينالىسۋعا شاقىردىق. قاجەت بولسا, قوسىمشا مارشرۋتتار اشىپ, اۆتوبۋستار جٷكتەمەسٸن ازايتۋ كەرەك. ال ٶزٸن-ٶزٸ اقتامايتىن مارشرۋتتاردى سۋبسيدييالاۋىمىز قاجەت. سوندىقتان, مەسليحاتتىڭ تاياۋداعى سەسسيياسىندا سۋبسيديياعا قوسىمشا 2 ملرد تەڭگە بٶلدٸك. بٸراق بۇل جەتكٸلٸكسٸز», - دەگەن ەكٸم قالادا اۆتوبۋس جٷرگٸزۋشٸلەرٸ جەتپەي جاتقانىن ەسكە سالدى.
«الداعى ۋاقىتتا سۋبسيدييالاۋعا 9 ملرد تەڭگە قاجەت بولادى. ٶيتكەنٸ سەرۆيس ساپاسى بويىنشا مەسەلەلەر بار. جٷرگٸزۋشٸلەردٸڭ جٷكتەمەسٸ اۋىر ەكەنٸن مويىنداۋ كەرەك. ەسٸڭٸزدە بولسا, قوعامدىق كٶلٸك جٷرگٸزۋشٸنٸڭ ٶلٸمٸ تٸركەلگەن بولاتىن. مۇنىڭ بەرٸ جۇمىسقا دەگەن كٶزقاراسقا, قىزمەت كٶرسەتۋ ساپاسىنا بايلانىستى. سوندىقتان, قازٸر جٷرگٸزۋشٸلەر تاپشىلىعى بار», - دەدٸ ول.
