ق.قۋانىشباەۆ اتىنداعى مەملەكەتتٸك اكادەمييالىق قازاق مۋزىكالىق دراما تەاترىندا جامبىل جاباەۆتىڭ 175 جىلدىق مەرەيتويى باستالدى, دەپ حابارلايدى "ۇلت اقپارات".
سالتاناتتى اشىلۋعا مەدەنيەت جەنە عىلىم قايراتكەرلەرٸ, الماتى جەنە جامبىل وبلىستارىنىڭ دەلەگاتسييالارى كەلدٸ. كەلۋشٸلەر جاڭا تەاتر فويەسٸندە ۇيىمداستىرىلعان جامبىل جاباەۆ مۋزەيٸنەن جەتكٸزٸلگەن ەكسپوزيتسييامەن تانىستى.
«ق.قۋانىشباەۆ اتىنداعى مەملەكەتتٸك اكادەمييالىق قازاق مۋزىكالىق دراما تەاترى مەن «استانا وپەرا» مەملەكەتتٸك وپەرا جەنە بالەت تەاترىنىڭ سيمفونييالىق وركەسترٸنٸڭ ارتيستەرٸ كٶرەرمەندەرگە «جىر الىبى - جامبىل» اتتى تەاترلاندىرىلعان قويىلىمىن ۇسىندى. ۇلى اقىننىڭ باعا جەتپەس مۇراسىن, ٶزٸندٸك ەرەكشەلٸگٸ مەن دارىنىن اشىپ كٶرسەتەتٸن ەدەبي-مۋزىكالىق كومپوزيتسييادا ونىڭ اتاقتى ايتىستارى مەن ەيگٸلٸ «كەڭ بايتاق قازاقستانىم», «اقىندارعا ارناۋ», «كٷلەشقا», «لەنينگرادتىق ٶرەنٸم!» جەنە ت.ب. شىعارمالارى وقىلدى», - دەپ حابارلادى مەدەنيەت جەنە سپورت مينيسترلٸگٸنٸڭ باسپاسٶز قىزمەتٸ.
مەرەكەلٸك باعدارلامادا قۇرمانعازى اتىنداعى قازاق ۇلتتىق حالىق اسپاپتارى وركەسترٸنٸڭ, ن.تٸلەنديەۆ اتىنداعى «وتىرار سازى» اكادەمييالىق فولكلورلىق-ەتنوگرافييالىق وركەسترٸنٸڭ, «جاستار» تەاترىنىڭ, «استانا بالەت» تەاترىنىڭ ارتيستەرٸ, «قورقىت» ەتنو-انسامبلٸنٸڭ, «قۇلانساز» فولكلورلىق-ەتنوگرافييالىق انسامبلٸنٸڭ, ك.ەزٸرباەۆ اتىنداعى جامبىل وبلىستىق فيلارمونيياسىنىڭ, «اكاك» كومۋزشىلار انسامبلٸنٸڭ (قىرعىزستان) جەكە ورىنداۋشىلارى ٶنەر كٶرسەتتٸ. اتاقتى اقىننىڭ مەرەيتويىنا قازاقستان حالىقتارى اسسامبلەياسى ەتنومەدەني بٸرلەستٸكتەرٸنٸڭ ارتيستەرٸ, «Nomad» بالالار حورەوگرافييالىق انسامبلٸ, «ۆايناح» شەشەن-ينگۋش حالىق انسامبلٸ جەنە ت. ب. ٶز شىعارمالارىن ارنادى.
قر مەدەنيەت جەنە سپورت مينيسترٸ اقتوتى رايىمقۇلوۆا سالتاناتتى اشىلۋدا بايانداما جاسادى.
«قادٸرلٸ زييالى قاۋىم! جامبىل قازاق ەدەبيەتٸ مەن مەدەنيەتٸندە ەرەكشە ورنى بار الاتاۋداي اسقاق تۇلعا. جىل دٷلدٷلٸ, ەپيك اقىن رەتٸندە قازاقتىڭ سۋىرىپ سالما يمپروۆيزاتورلىق ٶنەرٸن بيٸك شىڭعا شىعاردى. تٶل ٶنەرٸمٸز ايتىستىڭ ەرەكشەلٸگٸ سٶز تاپقىرلىق ەمەس, باتىلدىق, ٶتكٸرلٸك, شىندىققا تولى كٶركەم بەينەلٸ سٶزدەر تابىلىپ, قالىڭ جۇرتقا قوعامدىق مەسەلەنٸ ايقىن جەتكٸزە الۋىمەن قۇندى. جامبىل ايتىسى ەردايىم تەرەڭدٸگٸمەن, كٶركەمدٸگٸمەن, تاريحي نەگٸزدەرٸمەن استارلى مازمۇنىمەن جۇرتتى باۋراپ العان ەدٸ», - دەدٸ مينيستر ٶز بايانداماسىندا.
ايتا كەتەيٸك, قازاقستان رەسپۋبليكاسىنىڭ مەملەكەتتٸك حاتشىسى, مەرەيتويدىڭ مەملەكەتتٸك كوميسسيياسىنىڭ تٶراعاسى قىرىمبەك كٶشەرباەۆ ەلورداداعى جامبىل ەسكەرتكٸشٸنە گٷل شوقتارىن قويعان ەدٸ.
بٷگٸن ەلٸمٸزدەگٸ جەنە شەت ەلدەردەگٸ قالالار مەن ەلدٸمەكەندەردە جامبىل جاباەۆتىڭ ەسكەرتكٸشتەرٸ مەن بيۋستتەرٸنە گٷل شوقتارى قويىلدى, ەرقيلى مەدەني شارالار ٶتكٸزٸلدٸ.
سالتاناتتى شاراعا الماتى وبلىسىنان جامبىلدىڭ تٸكەلەي ۇرپاعى, نەمەرەسٸ سالتانات جامبىلوۆا كەلگەن ەدٸ.
