ەلوردانىڭ تۇران داڭعىلىندا كٶلٸك جىلدامدىعى ساعاتىنا 60 شاقىرىمنان اسپاۋى تيٸس. بۇل جايىندا نۇر-سۇلتان قالالىق پوليتسييا دەپارتامەنتٸنەن مەلٸم ەتتٸ, دەپ حابارلايدى "ۇلت اقپارات".
«ەلوردادا تۇران داڭعىل بويىنداعى جول جٷرٸسٸ قاۋٸپسٸزدٸگٸن قامتاماسىز ەتۋ ماقساتىندا سىعاناق كٶشەسٸنەن كەرەي-جەنٸبەك كٶشەلەرٸنە دەيٸنگٸ ۋچاسكەدە جىلدامدىق رەجيمٸ ساعاتىنا 80 شاقىرىمنان 60 شاقىرىمعا دەيٸن تٶمەندەتٸلدٸ. جىلدامدىق رەجيمٸن بۇزۋ فاكتٸلەرٸن تٸركەۋ وسى جىلدىڭ 10 ماۋسىمىنان باستالادى. بۇعان دەيٸن اتالعان ۋچاسكەدە ەكٸ باعىتتا دا قوعامدىق كٶلٸكتەرگە ارنالعان «Bus line» جولاعى ەنگٸزٸلگەن بولاتىن», - دەلٸنگەن دەپارتامەنت اقپاراتىندا.
دەپارتامەنت مەلٸمەتٸنشە, ەلوردا تۇرعىندارىنىڭ 65-70 پايىزى كٷن سايىن قوعامدىق كٶلٸك قىزمەتٸن پايدالانادى. وسىعان وراي نۇر-سۇلتان قالالىق ەكٸمدٸگٸ قوعامدىق كٶلٸكتٸڭ قوزعالىسىنا ارناۋلى جولاقتار ەنگٸزٸپ جاتىر. قوعامدىق كٶلٸكتەرگە ارنالعان مۇنداي جولاقتاردى ارناۋلى قىزمەتتەردٸڭ كٶلٸك قۇرالدارى دا پايدالانا الادى.
