Elordanyń Turan dańǵylynda kólik jyldamdyǵy saǵatyna 60 shaqyrymnan aspaýy tiis. Bul jaiynda Nur-Sultan qalalyq politsiia departamentinen málim etti, dep habarlaidy "Ult aqparat".
«Elordada Turan dańǵyl boiyndaǵy jol júrisi qaýipsizdigin qamtamasyz etý maqsatynda Syǵanaq kóshesinen Kerei-Jánibek kóshelerine deiingi ýchaskede jyldamdyq rejimi saǵatyna 80 shaqyrymnan 60 shaqyrymǵa deiin tómendetildi. Jyldamdyq rejimin buzý faktilerin tirkeý osy jyldyń 10 maýsymynan bastalady. Buǵan deiin atalǵan ýchaskede eki baǵytta da qoǵamdyq kólikterge arnalǵan «Bus line» jolaǵy engizilgen bolatyn», - delingen departament aqparatynda.
Departament málimetinshe, elorda turǵyndarynyń 65-70 paiyzy kún saiyn qoǵamdyq kólik qyzmetin paidalanady. Osyǵan orai Nur-Sultan qalalyq ákimdigi qoǵamdyq kóliktiń qozǵalysyna arnaýly jolaqtar engizip jatyr. Qoǵamdyq kólikterge arnalǵan mundai jolaqtardy arnaýly qyzmetterdiń kólik quraldary da paidalana alady.
