ەلوردا اۋماعىندا تٷنگٸ ۋاقىتتا جاسٶسپٸرٸم بالالار جٷرگەن دەمحانا انىقتالدى, دەپ حابارلايدى "ۇلت اقپارات" قالالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«5 تامىزدا تٷنگٸ ساعات 3-تە شەۆچەنكو كٶشەسٸنٸڭ بويىنداعى دەمحانادا باس سانيتارلىق دەرٸگەر قاۋلىسىنىڭ بۇزىلۋ فاكتٸسٸ تٸركەلدٸ. كارانتيندٸك شارالارعا قاراماستان دەمحانا جۇمىس ٸستەپ تۇرعان. ونىڭ ٸشٸندە 26 كليەنتكە قىزمەت كٶرسەتٸلٸپ جاتقان, ولاردىڭ اراسىندا بەس جاسٶسپٸرٸم بولعانى انىقتالدى», - دەلٸنگەن حابارلامادا.
جاسٶسپٸرٸمدەردٸڭ زاڭدى ٶكٸلدەرٸ قر ەكٸمشٸلٸك كودەكسٸنٸڭ 442-بابى 1-بٶلٸگٸ بويىنشا ەكٸمشٸلٸك جاۋاپقا تارتىلدى. دەمحانا يەسٸ دە جاۋاپقا تارتىلىپ, 10 اەك كٶلەمٸندە (27780 تەڭگە) ايىپپۇل تٶلەيدٸ. بۇعان قوسا, دەمحانا يەسٸنە قاتىستى ماتەريالدار تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ باسقارماسىنا جٸبەرٸلدٸ.
ٶتكەن تەۋلٸكتە نۇر-سۇلتان قالاسىنىڭ پوليتسەيلەرٸ, ەپيدەميولوگ, ەرٸكتٸلەر مەن جەرگٸلٸكتٸ اتقارۋ ورگاندارىنىڭ ٶكٸلدەرٸنەن قۇرالعان موبيلدٸ توپ 11 رەت كارانتين شاراسىنىڭ بۇزىلۋىن انىقتادى. قالالىق پوليتسييا دەپارتامەنتٸ ازاماتتارعا كارانتين شارالارىن بۇزعانى ٷشٸن جاۋاپقا تارتىلاتىنىن ەسكەرتەدٸ جەنە سانيتارلىق نورمالاردى ساقتاۋعا شاقىرادى.
