ەلوردادا تٸسٸن ەمدەتكەن بالانى ەس-تٷسسٸز حالگە تٷسٸرگەن تٸس ەمحاناسىنا تەكسەرۋ جٷرگٸزٸلدٸ. ونىڭ قورىتىندىسىن قر دەنساۋلىق ساقتاۋ مينيسترلٸگٸ تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸ تٶراعاسىنىڭ ورىنباسارى لاۋرا احمەتنييازوۆا جارييا ەتتٸ, – دەپ حابارلايدى قازاقپارات.
«كەشە تەكسەرۋدٸ اياقتادىق. نەتيجەسٸندە بٸرنەشە زاڭبۇزۋشىلىقتى انىقتادىق. ولاردىڭ باستىلارى – سەۆوفلۋران پرەپاراتىمەن جاسالعان جالپى انەستەزيياعا قوسا, 4 جاسقا دەيٸنگٸ بالالارعا ەگۋگە بولمايتىن, مەپيۆاستەزين جەرگٸلٸكتٸ انەستەزييا پرەپاراتى قولدانىلعان» دەدٸ ول بٷگٸن ٶتكەن بريفينگتە.
سونىمەن قاتار ونىڭ ايتۋىنشا, بالانى ەمدەمەستەن بۇرىن اللەرگيياعا قارسى سىناما دا الىنباعان. انەستەزيولوگ-رەانيماتولوگ دەرٸگەر جالپى ناركوز بەرۋگە 15 مينۋت قالعاندا عانا بالانى تەكسەرگەن. ال ستاندارتقا سەيكەس دەرٸگەر پاتسيەنتتٸ بولجالدى وتا جاسالاتىن سەتتەن كەمٸندە 24 ساعات بۇرىن قاراۋى تيٸس.
«كوميسسييا قورىتىندىسى بويىنشا پاتسيەنت جاعدايىنىڭ ناشارلاۋى ەگٸلگەن پرەپاراتتاردىڭ بٸرٸنە انافيلاكتيكالىق شوكتىڭ دامۋىمەن بايلانىستى بولۋى بارىنشا ىقتيمال» دەدٸ لاۋرا احمەتنييازوۆا.
