ەلوردادا تاعى بٸر اربات سالىنادى. جاڭا قوعامدىق كەڭٸستٸك رەسپۋبليكا داڭعىلىنان قۋانىشباەۆ اتىنداعى قازاق دراما تەاترىنا دەيٸن وماروۆ كٶشەسٸنٸڭ بويىندا ورنالاسقان, دەپ حابارلايدى "ۇلت اقپارات" قالا ەكٸمدٸگٸنە سٸلتەمە جاساپ.
«ەلوردادا تاعى بٸر اربات سالىنادى. جاياۋ جٷرگٸنشٸلەر پرومەنادى قۇرىلىسى بويىنشا جۇمىس جٷرگٸزٸپ جاتىرمىز. جاڭا قوعامدىق كەڭٸستٸك رەسپۋبليكا داڭعىلىنان ق.قۋانىشباەۆ اتىنداعى قازدرامتەاترگە دەيٸن وماروۆ كٶشەسٸنٸڭ بويىندا ورنالاسادى. جاياۋ جٷرگٸنشٸلەر پرومەنادى ەكٸ تەاتر اراسىنداعى اۋماقتى بايلانىستىرادى. رەسپۋبليكا داڭعىلى جاعىنداعى فونتان قايتا جٶندەلەدٸ. ول جىلعاعا قاراي اعادى. ال سول جىلعا بويىندا بالالارعا ارنالعان سۋمەن وينايتىن ەلەمەنتتەر ورناتامىز», دەپ جازدى قالا ەكٸمٸ التاي كٶلگٸنوۆ Instagram-داعى پاراقشاسىندا.
بۇعان قوسا اربات اۋماعىندا اسپالى ەتكەنشەك ورناتىلادى. بالالار ٷشٸن جەكە سپورت جەنە ويىن الاڭدارى, تىنىش اۋماق, كوۆوركينگ ورتالىق سىندى تەگٸن سەمينار مەن تٸل ساباعىن ٶتكٸزۋگە ارنالعان جەكە زونالار جاسالادى.
«كٶپٸر استى كەڭٸستٸگٸ اۋماعىندا (سارايشىق داڭعىلى) بالالارعا ارنالعان ەكوالاڭ مەن اسپالى ساياباق جاساماقشىمىز. بۇل يدەيانى دا وسى جەردە ٸسكە اسىرامىز. بەيبٸتشٸلٸك كٶشەسٸنەن رەسپۋبليكا داڭعىلىنا دەيٸن ۆەلوجول سالامىز. مەملەكەت باسشىسى بۇقارالىق سپورتتىڭ دامۋىنا ەرەكشە كٶڭٸل بٶلەدٸ. سەبەبٸ كەسٸبي سپورت پەن سالاۋاتتى ٶمٸر سالتىنا دەيٸنگٸ جول اۋلا سپورتى – قوعامدىق كەڭٸستٸكتەر مەن اۋلالاردان باستالادى. ولار ەر ادامعا قولجەتٸمدٸ بولۋى تيٸس. بيىل 54 ٸرٸ قوعامدىق كەڭٸستٸك پەن 150 اۋلا جاساپ, اباتتاندىردىق. بۇنىڭ ٶزٸ عانا 300 مىڭنان استام ادامدى قامتۋعا مٷمكٸندٸك بەردٸ. بۇل جۇمىستاردى كەلەسٸ جىلى دا جالعاستىرامىز», – دەپ جازدى التاي كٶلگٸنوۆ.
