بٷگٸن نۇر-سۇلتان قالاسىنىڭ ەكٸمدٸگٸندە استانالىق جارناما اگەنتتٸگٸ ٶكٸلدەرٸنٸڭ قاتىسۋىمەن كەزدەسۋ ٶتتٸ, دەپ حابارلايدى "ۇلت اقپارات" ەكٸمدٸكتٸڭ باسپاسٶز قىزمەتٸنە سٸلتەمە جاساپ.
«قازٸرگٸ ۋاقىتتا نۇر-سۇلتان قالاسىندا 2 مىڭنان استام جارناما قۇرىلىمى بار. ولاردىڭ قاتارىنا بيلبورد, افيشا, LED ەكران, ايالداما كەشەنٸ كٸرەدٸ. ناقتىراق ايتسام, قالادا 95 LED ەكران بار. بٸر ٶكٸنٸشتٸسٸ, سوڭعى ۋاقىتتا زاڭسىز نەمەسە تيٸستٸ ورگانداردان كەلٸسٸم الماي ٸلٸنگەن جارنامالار كٶبەيٸپ بارادى», – دەدٸ وعامدىق دامۋ ٸستەرٸ باسقارماسىنىڭ باسشىسى تالعات راحمانبەردٸ.
كەزدەسۋ بارىسىندا سٶز العان ونوماستيكالىق جۇمىس جەنە مەملەكەتتٸك رەمٸزدەر بٶلٸمٸنٸڭ باسشىسى گٷلجان قۇرمانعاليقىزى زاڭسىز ەرٸ قاتەگە تولى جارنامالار ٷشٸن الداعى ۋاقىتتا سالىناتىن ايىپپۇل تۋرالى تٷسٸندٸرٸپ بەردٸ.
«بٸز جارناما اگەنتتٸكتەرٸ بەرگەن مەتٸندٸ تەكسەرٸپ, كەلٸسٸم بەرەمٸز. ەكٸمشٸلٸك-قۇقىقبۇزۋشىلىق كودەكسٸنٸڭ 455-بابىنا سەيكەس ايىپپۇل سالۋ ٸسٸ قاراستىرىلعان. اتالعان باپتىڭ 3-تارماعى بويىنشا جارناما تاراتۋ تٸلٸنە بەلگٸلەنگەن تالاپتى بۇزعانى ٷشٸن جەكە تۇلعالارعا 20 اەك, لاۋازىمدى تۇلعالارعا 70 اەك, شاعىن كەسٸپكەرلٸك سۋبەكتٸلەرٸنە نەمەسە كوممەرتسييالىق ۇيىمدارعا 100 اەك, ورتا كەسٸپكەرلٸك سۋبەكتٸلەرٸنە 150 اەك, ال ٸرٸ كەسٸپكەرلٸك سۋبەكتٸلەرٸنە 400 اەك كٶلەمٸندە ايىپپۇل سالىنادى. وسىعان وراي تٸل تۋرالى زاڭنىڭ 21-بابىنا سەيكەس كەز كەلگەن اقپارات (ونىڭ ٸشٸنە جارناما دا كٸرەدٸ) مەملەكەتتٸك تٸلدە جەنە ورىس تٸلٸندە بولۋى تيٸس», – دەپ گٷلجان قۇرمانعاليقىزى جارناما اگەنتتٸگٸنٸڭ ٶكٸلدەرٸنە ەسكەرتۋ جاسادى. جيىن بارىسىندا سٶز العان قالالىق پوليتسييا دەپارتامەنتٸ ەسٸرتكٸ قىلمىسىنا قارسى ٸس-قيمىل باسقارماسىنىڭ بٶلٸم باستىعى سەرگەي يلينىح سوڭعى ۋاقىتتا جارناما بيلبوردتارى ارقىلى ەسٸرتكٸ ساۋداسى جارنامالانىپ كەتكەنٸن جەتكٸزدٸ.
«ەسٸرتكٸ بيزنەسٸ ٶز قىلمىسىن تاراتۋ ٷشٸن اقپاراتتىق تەحنولوگييانى قولدانۋدا. وسى ماقساتتا ينتەرنەت رەسۋرستارىن, تٷرلٸ مەسسەندجەرلەردٸ پايدالانادى», – دەيدٸ سەرگەي يلينىح.
ونىڭ ايتۋىنشا, 2019 جىلدىڭ 27 جەلتوقسانىنان باستاپ ارنايى زاڭ جوباسى ەنگٸزٸلگەن, ونىڭ نەگٸزٸندە ەسٸرتكٸ نەمەسە سوعان ۇقساس ٶنٸمدٸ ناسيحاتتاعان, جارنامالاعان ازامات ٷش جىلعا دەيٸن, ال باق بەتتەرٸندە نەمەسە ٶزگە دە قۇرالداردا جارييالاعانعا 6 جىلعا دەيٸن باس بوستاندىعىنان ايىرۋ جازاسى قاراستىرىلعان.
باسقوسۋدا قوعامدىق دامۋ ٸستەرٸ باسقارماسىنىڭ باسشىسى تالعات راحمانبەردٸ جارناما اگەنتتٸكتەرٸنە 2020 جىلدىڭ 3 ناۋرىزىنا دەيٸن جارناما نىسانىنىڭ ەستەتيكالىق تٷرٸن قالپىنا كەلتٸرۋ, سونداي-اق, «جارناما تۋرالى», «تٸل تۋرالى» زاڭداردى, قر باسقا دا نورماتيۆتٸك اكتٸلەرٸن ساقتاۋ كەرەكتٸگٸن ايتىپ ٶتتٸ.
