نۇر-سۇلتان قالاسىنىڭ ەكٸمٸ التاي كٶلگٸنوۆ جاڭبىردا ەلوردا كٶشەلەرٸن سۋ باسۋ مەسەلەسٸ قالاي شەشٸلەتٸنٸن ايتىپ بەردٸ, دەپ حابارلايدى قازاقپارات.
«نٶسەر كەرٸزدەرٸ بويىنشا ٶتە ٶزەكتٸ مەسەلە بار. وعان كٶپ شاعىم تٷستٸ. باۋىرجان مومىشۇلى داڭعىلىندا پروبلەمالىق ۋچاسكەلەر بار. بٸز قۇبىرلاردى ەكٸ ەسەگە كەڭەيتتٸك, قوسىمشا سورعىلار قويدىق, كەرٸز-تازارتۋ ورىندارىن كەڭەيتتٸك, بٸرقاتار جەرگٸلٸكتٸ كەرٸز-تازارتۋ قۇرىلىستارىن سالدىق, وسىلايشا باۋىرجان مومىشۇلى داڭعىلى, ۇلى دالا, تۇران داڭعىلى, رەسپۋبليكا داڭعىلى, باراەۆ كٶشەسٸ بويىنشا پروبلەمالىق مەسەلەلەردٸ شەشتٸك. مۇنداي ورىندار ەلٸ دە كٶپ. ەڭ باسىندا 130 سۋ باسۋ ورنى انىقتالعان ەدٸ», - دەدٸ كٶلگٸنوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ەكٸمنٸڭ ايتۋىنشا, بۇل مەسەلەدە جٷيەلٸ جۇمىستار جٷرگٸزٸلٸپ جاتىر. ارنايى كومپانييا كٷن سايىن كەرٸز قۇبىرلارىن تازارتۋمەن اينالىسادى. تەك بيىلدىڭ ٶزٸندە كەرٸز قۇرىلىستارىنان 35 مىڭ تونناعا جۋىق قوقىس شىعارىلعان.
