Nur-Sultan qalasynyń ákimi Altai Kólginov jańbyrda elorda kóshelerin sý basý máselesi qalai sheshiletinin aityp berdi, dep habarlaidy QazAqparat.
«Nóser kárizderi boiynsha óte ózekti másele bar. Oǵan kóp shaǵym tústi. Baýyrjan Momyshuly dańǵylynda problemalyq ýchaskeler bar. Biz qubyrlardy eki esege keńeittik, qosymsha sorǵylar qoidyq, káriz-tazartý oryndaryn keńeittik, birqatar jergilikti káriz-tazartý qurylystaryn saldyq, osylaisha Baýyrjan Momyshuly dańǵyly, Uly dala, Turan dańǵyly, Respýblika dańǵyly, Baraev kóshesi boiynsha problemalyq máselelerdi sheshtik. Mundai oryndar áli de kóp. Eń basynda 130 sý basý orny anyqtalǵan edi», - dedi Kólginov Ortalyq kommýnikatsiialar qyzmetinde ótken baspasóz máslihatynda.
Ákimniń aitýynsha, bul máselede júieli jumystar júrgizilip jatyr. Arnaiy kompaniia kún saiyn káriz qubyrlaryn tazartýmen ainalysady. Tek biyldyń ózinde káriz qurylystarynan 35 myń tonnaǵa jýyq qoqys shyǵarylǵan.
