نۇر-سۇلتان قالاسىنىڭ ەكٸمٸ التاي كٶلگٸنوۆ Instagram پاراقشاسىندا جىل باسىنان بەرٸ ەكولوگييالىق پوليتسييامەن بٸرلەسٸپ 50-دەن استام رۇقسات ەتٸلمەگەن قوقىس ورنى جويىلعانىن, ال پوليگونعا 37 مىڭ توننادان استام قالدىق شىعارىلعانىن مەلٸم ەتتٸ.
«قالا اۋماعىندا رۇقسات ەتٸلمەگەن قوقىس تاستايتىن جەرلەردٸ جويۋ بويىنشا جۇمىستاردى جالعاستىرۋدامىز. ٶز پايداسى ٷشٸن نەمەسە قاتتى-تۇرمىستىق قالدىقتاردى ارنايى پوليگونعا شىعارۋعا ۋاقىت جۇمساعىسى كەلمەي زاڭنامانى بۇزاتىن ەكولوگييا زييانكەستەرٸ تاراپىنان مۇنداي ٸس-ەرەكەتتەردٸڭ جولىن ودان ەرٸ قاتاڭ تٷردە توقتاتاتىن بولامىز» دەپ جازدى قالا باسشىسى.
ەكٸم كەلتٸرگەن دەرەكتەرگە سٷيەنسەك, تەك وسى جىلدىڭ باسىنان باستاپ ەكولوگييالىق پوليتسييامەن بٸرلەسٸپ 50-دەن استام رۇقسات ەتٸلمەگەن قوقىس ورىندارى جويىلعان.
«وسى جىلدىڭ باسىنان باستاپ ەكولوگييالىق پوليتسييامەن بٸرلەسٸپ 50-دەن استام رۇقسات ەتٸلمەگەن قوقىس ورىندارى جويدىق. پوليگونعا 37 مىڭ توننادان استام قالدىق شىعارىلدى. بٷگٸن قوسىمشا شارالار قابىلداۋ جەنە قتق ٷشٸن رۇقسات ەتٸلمەگەن ورىنداردىڭ پايدا بولۋىنا جول بەرمەۋ ٷشٸن اۋداندىق ەكٸمدٸكتەرمەن, ەكولوگييالىق پوليتسييامەن, قاتتى-تۇرمىستىق قالدىقتاردى شىعارۋمەن اينالىساتىن كەسٸپورىندارمەن جەنە ت. ب. كەزدەسۋ ٶتتٸ.
بٸرٸنشٸ. ەكولوگييانى جەنە سانيتارلىق-ەپيدەميولوگييالىق جاعدايدى جاقسارتۋ ٷشٸن وسى جىلدىڭ ٶزٸندە «سولتٷستٸك جوتاسى« كارەرٸن ودان ەرٸ رەكۋلتيۆاتسييالاي وتىرىپ, قۇرىلىس قالدىقتارىن جيناۋعا جەنە ٶڭدەۋگە ارنالعان الاڭ جۇمىسىن باستايمىز.
الاڭدا كٸرپٸش, اسفالت, بەتون قالدىقتارى جەنە ت. ب. سيياقتى قۇرىلىس قالدىقتارىن قايتا ٶڭدەيتٸن ۇساتۋ كەشەنٸن ورناتۋ قاراستىرىلعان. سونىمەن قاتار, مىسالى, قۇرىلىس قالدىقتارىنىڭ 50%-ىن قيىرشىق تاسقا, 10-15%-ىن ارماتۋراعا جەنە ت. ب. ٶڭدەۋگە بولادى.
ەكٸنشٸ. قوقىس ٶڭدەۋ زاۋىتىن جاڭعىرتۋ جۇمىستارىن جالعاستىرامىز. بۇل كەسٸپورىننىڭ قۋاتىن ەكٸ ەسەگە – جىلىنا 250 مىڭ توننادان 450 مىڭ تونناعا دەيٸن ارتتىرۋعا مٷمكٸندٸك بەرەدٸ. قالدىقتاردى سۇرىپتاۋ جارتىلاي اۆتوماتتى تٷرگە اۋىستىرىلادى. پوليگوننىڭ ٶزٸ ەكٸ ۇياشىقتان تۇرادى.
ٷشٸنشٸ. قۇرىلىس قالدىقتارىن زاڭسىز ورىندارعا ەكەتۋدٸ توقتاتۋ فاكتٸلەرٸ بويىنشا قۇرىلىس نىساندارىنا مونيتورينگ جەنە رەيدتەر جٷرگٸزۋ بويىنشا جەدەل توپتىڭ جۇمىسىن كٷشەيتۋدٸ تاپسىردىم. سەبەبٸ نەگٸزگٸ تەرتٸپ بۇزۋشىلار - قۇرىلىس ۇيىمدارى.
تٶرتٸنشٸ. ارنايى بٶلٸنگەن ورىندارعا قوقىس شىعارۋ ٷشٸن كومپانييالارمەن كەلٸسٸمشارت جاساسپاعان قۇرىلىس كومپانييالارىنا قوسىمشا قورىتىندى جاساۋ قاجەت. قاساقانا بۇزۋشىلىقتار بولعان جاعدايدا, بٸز قۇرىلىس نىساندارىنداعى جۇمىس ليتسەنزيياسىن توقتاتا تۇرامىز.
بەسٸنشٸ. زاڭ بۇزۋشىلاردى دا 109ikomek-بەينەباقىلاۋ جٷيەسٸ ارقىلى انىقتايمىز. مەسەلەن, تەك 20 سەۋٸر مەن 31 مامىر ارالىعىندا كامەرالار ارقىلى 24 تەرتٸپ بۇزۋشىلىق فاكتٸسٸ تٸركەلدٸ. جٷرگٸزۋشٸلەر جاۋاپقا تارتىلدى. كامەرالار سانىن كٶبەيتەمٸز», — دەپ جازدى ەلوردا ەكٸمٸ.
