Nur-Sultan qalasynyń ákimi Altai Kólginov Instagram paraqshasynda jyl basynan beri ekologiialyq politsiiamen birlesip 50-den astam ruqsat etilmegen qoqys orny joiylǵanyn, al poligonǵa 37 myń tonnadan astam qaldyq shyǵarylǵanyn málim etti.
«Qala aýmaǵynda ruqsat etilmegen qoqys tastaityn jerlerdi joiý boiynsha jumystardy jalǵastyrýdamyz. Óz paidasy úshin nemese qatty-turmystyq qaldyqtardy arnaiy poligonǵa shyǵarýǵa ýaqyt jumsaǵysy kelmei zańnamany buzatyn ekologiia ziiankesteri tarapynan mundai is-áreketterdiń jolyn odan ári qatań túrde toqtatatyn bolamyz» dep jazdy qala basshysy.
Ákim keltirgen derekterge súiensek, tek osy jyldyń basynan bastap ekologiialyq politsiiamen birlesip 50-den astam ruqsat etilmegen qoqys oryndary joiylǵan.
«Osy jyldyń basynan bastap ekologiialyq politsiiamen birlesip 50-den astam ruqsat etilmegen qoqys oryndary joidyq. Poligonǵa 37 myń tonnadan astam qaldyq shyǵaryldy. Búgin qosymsha sharalar qabyldaý jáne QTQ úshin ruqsat etilmegen oryndardyń paida bolýyna jol bermeý úshin aýdandyq ákimdiktermen, ekologiialyq politsiiamen, qatty-turmystyq qaldyqtardy shyǵarýmen ainalysatyn kásiporyndarmen jáne t. b. kezdesý ótti.
Birinshi. Ekologiiany jáne sanitarlyq-epidemiologiialyq jaǵdaidy jaqsartý úshin osy jyldyń ózinde «Soltústik jotasy« karerin odan ári rekýltivatsiialai otyryp, qurylys qaldyqtaryn jinaýǵa jáne óńdeýge arnalǵan alań jumysyn bastaimyz.
Alańda kirpish, asfalt, beton qaldyqtary jáne t. b. siiaqty qurylys qaldyqtaryn qaita óńdeitin usatý keshenin ornatý qarastyrylǵan. Sonymen qatar, mysaly, qurylys qaldyqtarynyń 50%-yn qiyrshyq tasqa, 10-15%-yn armatýraǵa jáne t. b. óńdeýge bolady.
Ekinshi. Qoqys óńdeý zaýytyn jańǵyrtý jumystaryn jalǵastyramyz. Bul kásiporynnyń qýatyn eki esege – jylyna 250 myń tonnadan 450 myń tonnaǵa deiin arttyrýǵa múmkindik beredi. Qaldyqtardy suryptaý jartylai avtomatty túrge aýystyrylady. Poligonnyń ózi eki uiashyqtan turady.
Úshinshi. Qurylys qaldyqtaryn zańsyz oryndarǵa áketýdi toqtatý faktileri boiynsha qurylys nysandaryna monitoring jáne reidter júrgizý boiynsha jedel toptyń jumysyn kúsheitýdi tapsyrdym. Sebebi negizgi tártip buzýshylar - qurylys uiymdary.
Tórtinshi. Arnaiy bólingen oryndarǵa qoqys shyǵarý úshin kompaniialarmen kelisimshart jasaspaǵan qurylys kompaniialaryna qosymsha qorytyndy jasaý qajet. Qasaqana buzýshylyqtar bolǵan jaǵdaida, biz qurylys nysandaryndaǵy jumys litsenziiasyn toqtata turamyz.
Besinshi. Zań buzýshylardy da 109ikomek-beinebaqylaý júiesi arqyly anyqtaimyz. Máselen, tek 20 sáýir men 31 mamyr aralyǵynda kameralar arqyly 24 tártip buzýshylyq faktisi tirkeldi. Júrgizýshiler jaýapqa tartyldy. Kameralar sanyn kóbeitemiz», — dep jazdy elorda ákimi.
