قاسيەتتٸ رامازان ايىندا ەلوردانىڭ دٸن ٸستەرٸ جٶنٸندەگٸ باسقارماسى مەن دٸندەردٸ زەرتتەۋ ورتالىعى «نۇر-استانا» مەشٸتٸ ۇجىمىمەن بٸرلەسٸپ, اۋزى بەرٸك مۇسىلماندارعا ىستىق تاماق تاراتا باستادى, دەپ حابارلايدى "ۇلت اقپارات" قالا ەكٸمدٸگٸنە سٸلتەمە جاساپ.
رامازان ايى سەۋٸر ايىنىڭ 13 كٷنٸ باستالىپ, 12 مامىرعا دەيٸن جالعاسادى. مامىر ايىنىڭ 8-نەن 9-نا قاراعان تٷنٸ قادٸر تٷنٸ, 13 مامىر كٷنٸ ورازا ايت مەرەكەسٸ اتاپ ٶتٸلەدٸ.
بارشا مۇسىلمان ٷشٸن بۇل اي جاقسىلىق پەن ٸزگٸلٸك ايى. يسلام دٸنٸن ۇستانۋشىلار قايىرىمدىلىق جاساپ, ساۋاپ جيناۋعا تىرىسادى. سول سەبەپتٸ دە, قايىرىمدى جاندار مۇقتاج جاندارعا كٶمەك قولىن سوزىپ, جاقسىلىقتىڭ جارشىسى اتانۋعا نيەتتٸ.
قالاداعى ەپيدەميولوگييالىق جاعدايعا بايلانىستى مەشٸتتەردە جىلداعىداي اۋىزاشار ٶتكٸزٸلمەيدٸ. سوندىقتان كارانتين تالاپتارىن ساقتاي وتىرىپ, ەربٸر ادامعا جەكەلەگەن تاماق بوكستارى جەتكٸزٸلدٸ. سونىمەن قاتار, مەشٸتتەردە تاراۋىق نامازى مەن جۇما نامازى دا وقىلمايدى.
ايتات كەتەرشٸگٸ, رامازان ايىنا بايلانىستى اقپاراتتى نەمەسە دٸن سالاسىنا قاتىستى قانداي دا بٸر سۇراق پەن ۇسىنىس بولسا iKomek109 نٶمٸرٸنە حابارلاسۋعا بولادى, قوڭىراۋ شالۋ تەگٸن.
