Qasietti Ramazan aiynda elordanyń din isteri jónindegi basqarmasy men dinderdi zertteý ortalyǵy «Nur-Astana» meshiti ujymymen birlesip, aýzy berik musylmandarǵa ystyq tamaq tarata bastady, dep habarlaidy "Ult aqparat" qala ákimdigine silteme jasap.
Ramazan aiy sáýir aiynyń 13 kúni bastalyp, 12 mamyrǵa deiin jalǵasady. Mamyr aiynyń 8-nen 9-na qaraǵan túni Qadir túni, 13 mamyr kúni Oraza ait merekesi atap ótiledi.
Barsha musylman úshin bul ai jaqsylyq pen izgilik aiy. Islam dinin ustanýshylar qaiyrymdylyq jasap, saýap jinaýǵa tyrysady. Sol sebepti de, qaiyrymdy jandar muqtaj jandarǵa kómek qolyn sozyp, jaqsylyqtyń jarshysy atanýǵa nietti.
Qaladaǵy epidemiologiialyq jaǵdaiǵa bailanysty meshitterde jyldaǵydai aýyzashar ótkizilmeidi. Sondyqtan karantin talaptaryn saqtai otyryp, árbir adamǵa jekelegen tamaq bokstary jetkizildi. Sonymen qatar, meshitterde taraýyq namazy men juma namazy da oqylmaidy.
Aitat ketershigi, Ramazan aiyna bailanysty aqparatty nemese din salasyna qatysty qandai da bir suraq pen usynys bolsa iKomek109 nómirine habarlasýǵa bolady, qońyraý shalý tegin.
