نۇر-سۇلتان قالاسىندا مٷگەدەك بالانى اۆتوبۋسقا وتىرعىزىپ, ونىڭ اناسىن الماي كەتكەن قوعامدىق كٶلٸك جٷرگٸزۋشٸسٸ جازاعا تارتىلدى, دەپ حابارلايدى "ۇلت اقپارات".
«№1 اۆتوبۋس پاركٸ كەڭەسٸنٸڭ تەرتٸپتٸك قورىتىندىسىنا سەيكەس, 2021 جىلعى 11 قاڭتار كٷنٸ №60 اۆتوبۋستىڭ جٷرگٸزۋشٸسٸ جولاۋشىلاردى تاسىمالداۋ تۋرالى ەرەجەنٸ ساقتاماعان. ونى اۆتوبۋس سالونىندا تٷسٸرٸلگەن ۆيدەوجازبا دەلەلدەپ وتىر. اۆتوبۋس جٷرگٸزۋشٸسٸنەن جازباشا تٷسٸنٸكتەمە الىندى. اۆتوبۋس پاركٸ كەڭەسٸنٸڭ شەشٸمٸنە سەيكەس, بٷگٸندە تەرتٸپتٸ بۇزعان جٷرگٸزۋشٸمەن ەڭبەك كەلٸسٸمشارتى ٷزٸلدٸ. بولعان وقيعا قايتالانباۋ ماقساتىندا بارلىق اۆتوبۋس جٷرگٸزۋشٸلەر قۇرامى جولاۋشىلاردى قوعامدىق كٶلٸككە وتىرعىزۋ جەنە ودان تٷسٸرۋ ەرەجەسٸمەن قايتا تانىستىرىلدى», - دەدٸ CTS (City Transportation Systems) جشس-نٸڭ باسپاسٶز حاتشىسى وكسانا لوسكۋتوۆا.
ونىڭ ايتۋىنشا, جٷرگٸزۋشٸ جۇمىستان قۋىلۋىمەن قاتار, وعان ايىپپۇل دا سالىندى.
«نۇر-سۇلتان قالاسى ەكٸمشٸلٸك پوليتسييا باسقارماسى قر ەكٸمشٸلٸك قۇقىقبۇزۋشىلىق كودەكسٸنٸڭ №593 بابىنا سەيكەس قوعامدىق كٶلٸك جٷرگٸزۋشٸسٸنە 5 اەك كٶلەمٸندە ايىپپۇل سالدى. ٶز كەزەگٸندە №1 ەلوردالىق اۆتوبۋس پاركٸ ەكٸمشٸلٸگٸ جٷرگٸزۋشٸنٸڭ بەيەدەپ ەرەكەتٸ ٷشٸن كەشٸرٸم سۇرايدى», - دەيدٸ ول.
ەسكە سالا كەتسەك, وسىدان بٸرەر كٷن بۇرىن ەلوردا تۇرعىنى قوعامدىق كٶلٸككە مٷگەدەك بالانى وتىرعىزىپ, ونىڭ اناسىن تاستاپ كەتكەنٸ تۋرالى Facebook پاراقشاسىندا جازعان بولاتىن.
