ەلوردادا بالالار جىلى اياسىندا بەردٸبەك سوقپاقباەۆتىڭ «مەنٸڭ اتىم قوجا» شىعارماسىنىڭ جەلٸسٸ بويىنشا باستى كەيٸپكەرٸنە ارنالعان ەسكەرتكٸشتٸڭ سالتاناتتى اشىلۋى ٶتتٸ, دەپ حابارلايدى نۇر-سۇلتان ەكٸمدٸگٸنٸڭ رەسمي سايتى.
سالتاناتتى ٸس-شارا قالالىق ەكٸمدٸكتٸڭ قولداۋىمەن «جەتٸسۋ» ساياباعىندا ٶتتٸ.
«قوجا» پوۆەسٸندەگٸ كەيٸپكەر – ەربٸر ادامنىڭ بالالىق شاعىنىڭ سٷيٸكتٸ كەيٸپكەرٸنە اينالعان. سول سەبەپتٸ ەسكەرتكٸش حالىقارالىق بالالاردى قورعاۋ كٷنٸنە وراي اشىلدى.
ەسكەرتكٸش اشۋ يدەياسىنىڭ اۆتورى – جازۋشى جانبولات اۋپباەۆ. ول قازاق حالقىنىڭ بالا تەربيەلەۋگە ەجەلدەن ەرەكشە مەن بەرەتٸنٸن ايتا كەلە, وسى بٸر بولمىستى بەينەلەيتٸن سوقپاقباەۆ پوۆەسٸنٸڭ كەيٸپكەرٸنە مونۋمەنت ورناتۋ جٶنٸندە ويىن ايتتى.
ەسكەرتكٸشتٸڭ جالپى بيٸكتٸگٸ – 183 سم, قولادان جەنە گرانيتتەن جاسالعان. مٷسٸنشٸ ازامات تالاپحاننىڭ ايتۋىنشا, جۇمىس ٷش ايعا سوزىلدى.
«ماعان وسى ەسكەرتكٸشتٸ جاساۋ تۋرالى ۇسىنىس تٷسكەن بويدا تٷرلٸ يدەيالاردى ويلاستىرا باستادىم. ەسكەرتكٸش ارقىلى باس كەيٸپكەردٸڭ مٸنەزٸن كٶرسەتۋ, شىعارما جەلٸسٸن جەتكٸزۋ ٶتە ماڭىزدى بولدى. سونىمەن, فيلمنٸڭ ەستە قالارلىق كٶرٸنٸستەرٸنٸڭ بٸرٸن بەينەلەۋ جٶنٸندە شەشٸم قابىلداپ, قوجانىڭ اينا الدىندا وتىرعان سەتٸن كٶرسەتتٸك. جۇمىستا ايتارلىقتاي قيىندىقتار بولعان جوق. ەسكەرتكٸش جۇرتقا ۇنايدى دەپ ٷمٸتتەنەمٸن», - دەدٸ مونۋمەنت اۆتورى.
جازۋشىنىڭ قىزى سامال سوقپاقباەۆانىڭ ايتۋىنشا, قوجا ەسٸمدٸ كەيٸپكەر ۇلتتىق قاھارمانعا اينالدى.
«بۇل پوۆەست ٶتە ەيگٸلٸ. بٷگٸنگە دەيٸن جۇرت اراسىندا شىعارمانىڭ ٷزٸندٸلەرٸ ايتىلىپ كەلەدٸ. قوجا ۇجىمدىق, ۇلتتىق بەينەگە اينالدى. كٸتاپتىڭ, فيلمنٸڭ باستى كەيٸپكەرٸ مەيٸرٸمدٸلٸگٸمەن, باتىلدىعىمەن, ادالدىعىمەن جەنە ەدٸلەتتٸلٸگٸمەن ەرەكشەلەنەدٸ. قوجا ۇلتتىڭ بولمىس-بٸتٸمٸن بويىنا سٸڭٸرٸپ ٶسكەنٸن كٶرۋگە بولادى. سوندىقتان بۇل شىعارمانى حالقىمىز جاقسى كٶرەدٸ. شىعارمانىڭ سوڭى دا جاقسى اياقتالادى. شەبەر جازىلعان شىعارما دارىندى رەجيسسەر ابدۋللا قارساقباەۆتىڭ قولىنا تٷستٸ. مىقتى جازۋشى مەن دارىندى رەجيسسەردٸڭ ەڭبەگٸنٸڭ ارقاسىندا كينوتۋىندى سول تۇستاعى بٷكٸل كەڭەس وداعىن جاۋلاپ الدى. كٶپ ۇزاماي كانن فەستيۆالٸنٸڭ «بالالارعا ارنالعان ەڭ جاقسى شەتەلدٸك فيلم» سىيلىعىنا يە بولدى. بۇل بٸزدٸڭ كينويندۋسترييانىڭ وراسان زور جەتٸستٸگٸ, ال كارتينا قازاق كينوٶنەرٸنٸڭ التىن قورىنا ەندٸ», - دەدٸ جازۋشىنىڭ قىزى بەردٸبەك سوقپاقباەۆ.
