ەلوردادا ٶكپەنٸ جاساندى جەلدەتۋ اپپاراتىنىڭ جالپى سانى 434-كە جەتكٸزٸلدٸ. بۇل تۋرالى اntikor.live جوباسىندا نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسى باسشىسى تيمۋر مۇراتوۆ ايتتى, دەپ حابارلايدى قازاقپارات.
«قاجەت بولعان جاعدايدا بٸز بٸر ۋاقىتتا 18 دەنساۋلىق ساقتاۋ نىسانىن قايتا ٶزگەرتٸپ, تٶسەك-ورىن سانىن 6 مىڭعا دەيٸن ارتتىرا الامىز. قالالىق ەكٸمدٸك بٸراز جۇمىستار جٷرگٸزدٸ. بٸز ٶكپەنٸ جەلدەتۋ اپپاراتىنىڭ سانىن كٶبەيتتٸك. باستاپقىدا ولاردىڭ سانى 185 بولسا, قازٸر ولاردىڭ جالپى سانى 434-كە جەتتٸ. قۋانىشقا وراي, كوروناۆيرۋستىڭ ەكٸنشٸ تولقىنىنا دايىندىق جۇمىستارى ٶز جەمٸسٸن بەرۋدە. بٷگٸنگٸ تاڭدا جۇقپالى اۋرۋلار اۋرۋحاناسىندا جاتقان 174 ادامنىڭ 8-ٸ ٶكپەنٸ جەلدەتۋ اپپاراتىنا قوسىلعان. بۇل امبۋلاتورلىق جەلٸنٸڭ تيٸمدٸ جەنە تۇراقتى جۇمىس ٸستەيتٸندٸگٸن كٶرسەتەدٸ», - دەيدٸ نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسى باسشىسى تيمۋر مۇراتوۆ.
ونىڭ ايتۋىنشا, قازٸرگٸ ۋاقىتتا ەلوردالىق موبيلدٸ توپتار انتيكواگۋليانتتار, دەرۋمەندەر مەن انتيپيرەتيكتەردٸ ٷيگە جەتكٸزٸپ بەرەدٸ. ٷش كٷندٸك باقىلاۋ جٷرگٸزگەن كەزدە دەنە قىزۋى كٶتەرٸلٸپ كەتكەن جاعدايدا عانا ناۋقاس اۋرۋحاناعا جاتقىزىلىپ, قوسىمشا تەكسەرۋدەن ٶتەدٸ.
«قازٸرگٸ ۋاقىتتا قالادا 27 رەنتگەن قوندىرعىسى جۇمىس ٸستەيدٸ, ونىڭ 11-ٸ بيىل جاڭارتىلدى. كەيبٸر ٸرٸ ەمحانادا رەنتگەن اپپاراتتارىنىڭ سانى ەكٸ ەسەگە ارتتى. قازٸر 19 كومپيۋتەرلٸك توموگرافييا جۇمىس ٸستەيدٸ. ەگەر ناۋقاس كلينيكاعا ٶز بەتٸنشە جٷگٸنسە, ونى فيلتر كابينەتٸندە قابىلدايدى. ەگەر ناۋقاس 103 نٶمٸرٸنە حابارلاسسا, ونى ەمحاناعا باعىتتايدى», - دەيدٸ ول.
