نۇر-سۇلتان قالاسىنىڭ پوليتسييا دەپارتامەنتٸ «Expolis Invest VM» جشس باسشىلىعىنىڭ «Royal EXPO apartments» جتك قۇرىلىسى كەزٸندە الاياقتىق جاساۋ فاكتٸسٸ بويىنشا قىلمىستىق ٸستٸ تەرگەپ جاتىر, دەپ حابارلايدى "ۇلت اقپارات".
قازٸرگٸ كەزدە پوليتسيياعا 280 جەبٸرلەنۋشٸ ٶتٸنٸش جازعان. سوت الدىنداعى تەرگەپ-تەكسەرۋ بارىسىندا «Expolis Invest VM» جشس ەرەكەتٸنەن ەلٸمٸزدٸڭ تٷرلٸ ايماقتارىندا تۇراتىن 300-دەن استام ادام جاپا شەككەنٸ انىقتالدى.
وقيعانىڭ مەن-جايىن جان-جاقتى, تولىق ەرٸ وبەكتيۆتٸ تەرگەۋ ماقساتىندا نۇر-سۇلتان قالاسىنىڭ پوليتسييا دەپارتامەنتٸ كومپانييا ەرەكەتٸنەن زارداپ شەككەن ٷلەسكەرلەردٸ تەرگەۋ باسقارماسىنىڭ مىنا تەلەفون نٶمٸرٸنە حابارلاسۋىن ٶتٸنەدٸ: 71-62-85, 8-775-968-77-34.
وسىعان ۇقساس جاعدايلاردى بولدىرماۋ ماقساتىندا قۇرىلىسشىلارمەن ٷلەستٸك قۇرىلىس تۋرالى قۇجاتتاردى تولتىرۋ كەزٸندە كەلەسٸ اسپەكتٸلەرگە نازار اۋدارۋدى سۇرايمىز:
- جوبالاۋشى مەن سالۋشى كومپانييانىڭ ناقتى زاڭدى مەكەنجايى تۋرالى مەلٸمەتتەر;
- كومپانييانىڭ مەملەكەتتٸك تٸركەۋدەن ٶتۋٸن راستايتىن قۇجاتتار;
- كومپانييانىڭ قۇرىلتايشىلارى, سونداي-اق جوبالاۋشىلاردىڭ قۇرىلتايشىلارى تۋرالى مەلٸمەتتەر;
- قۇزىرلى ورگانداردىڭ ليتسەنزيياسىنىڭ بولۋى, وندا قۇرىلىس جٷرگٸزۋ ٷشٸن جەكە تۇلعالاردىڭ اقشالاي قاراجاتىن تارتۋ رۇقساتى كٶرسەتٸلۋٸ تيٸس;
- كومپانييانىڭ قۇرىلىس جٷرگٸزٸلەتٸن جەرگە قۇقىعىن راستايتىن قۇجاتتار;
- مسقبب نىساندى سالۋعا رۇقساتىنىڭ بولۋى;
- قۇرىلىس كەزەڭدەرٸ مەن ونىڭ اياقتالۋ مەرزٸمدەرٸ تۋرالى مەلٸمەتتەر;
- سالۋشىنىڭ جوسىقسىز سالۋشىلار تٸزٸمٸندە بار-جوعىن تەكسەرۋ.
وسىلايشا, ەلوردا ەكٸمدٸگٸ پروكۋراتۋرامەن بٸرلەسٸپ جٷرگٸزگەن مونيتورينگ كەزٸندە ٷلەسكەرلەردٸڭ اقشاسىن زاڭسىز العان 46 قۇرىلىس كومپانيياسىن انىقتادى.
