Nur-Sultan qalasynyń politsiia departamenti «Expolis Invest VM» JShS basshylyǵynyń «Royal EXPO apartments» JTK qurylysy kezinde alaiaqtyq jasaý faktisi boiynsha qylmystyq isti tergep jatyr, dep habarlaidy "Ult aqparat".
Qazirgi kezde politsiiaǵa 280 jábirlenýshi ótinish jazǵan. Sot aldyndaǵy tergep-tekserý barysynda «Expolis Invest VM» JShS áreketinen elimizdiń túrli aimaqtarynda turatyn 300-den astam adam japa shekkeni anyqtaldy.
Oqiǵanyń mán-jaiyn jan-jaqty, tolyq ári obektivti tergeý maqsatynda Nur-Sultan qalasynyń politsiia departamenti kompaniia áreketinen zardap shekken úleskerlerdi tergeý basqarmasynyń myna telefon nómirine habarlasýyn ótinedi: 71-62-85, 8-775-968-77-34.
Osyǵan uqsas jaǵdailardy boldyrmaý maqsatynda qurylysshylarmen úlestik qurylys týraly qujattardy toltyrý kezinde kelesi aspektilerge nazar aýdarýdy suraimyz:
- jobalaýshy men salýshy kompaniianyń naqty zańdy mekenjaiy týraly málimetter;
- kompaniianyń memlekettik tirkeýden ótýin rastaityn qujattar;
- kompaniianyń quryltaishylary, sondai-aq jobalaýshylardyń quryltaishylary týraly málimetter;
- quzyrly organdardyń litsenziiasynyń bolýy, onda qurylys júrgizý úshin jeke tulǵalardyń aqshalai qarajatyn tartý ruqsaty kórsetilýi tiis;
- kompaniianyń qurylys júrgiziletin jerge quqyǵyn rastaityn qujattar;
- MSQBB nysandy salýǵa ruqsatynyń bolýy;
- qurylys kezeńderi men onyń aiaqtalý merzimderi týraly málimetter;
- salýshynyń josyqsyz salýshylar tiziminde bar-joǵyn tekserý.
Osylaisha, elorda ákimdigi prokýratýramen birlesip júrgizgen monitoring kezinde úleskerlerdiń aqshasyn zańsyz alǵan 46 qurylys kompaniiasyn anyqtady.
