نۇر-سۇلتاندا قولجەتٸمدٸ باسپانا بويىنشا سالىناتىن تۇرعىن ٷي قۇرىلىسىنىڭ سانى ٷش ەسەگە ٶسەدٸ.
بۇل تۋرالى بٷگٸن قالا ەكٸمٸ التاي كٶلگٸنوۆ مەملەكەت باسشىسى قاسىم-جومارت توقاەۆتىڭ قازاقستان حالقىنا جولداۋىن تالقىلاۋعا ارنالعان قالالىق اكتيۆ جيىنىندا مەلٸم ەتتٸ, دەپ حابارلايدى ەلوردا ەكٸمدٸگٸنٸڭ رەسمي سايتى.
«ەلوردادا تۇرعىن ٷي كەزەگٸنە تۇرۋشىلاردىڭ سانى جىل سايىن ارتىپ كەلەدٸ. بيىل جاز ايىنىڭ باسىندا 46 مىڭ استانالىق ٷي كەزەگٸندە تۇرسا, قىركٷيەكتە بۇل كٶرسەتكٸش 47,5 مىڭعا جەتٸپ وتىر. وسىعان قاراي كەلەسٸ جىلدان باستاپ قولجەتٸمدٸ باسپانا بويىنشا سالىناتىن تۇرعىن ٷيلەردٸڭ كٶلەمٸ 3 ەسەگە ارتاتىن بولادى. بٷگٸندە دايىندىق جۇمىستارى باستالدى», - دەدٸ ەلوردا ەكٸمٸ جولداۋدى تالقىلاۋعا ارنالعان جيىن بارىسىندا.
ونىڭ سٶزٸنشە, ٷي كەزەگٸندە تۇرعان از قامتىلعان جەنە كٶپبالالى وتباسىلاردى باسپانامەن قامتاماسىز ەتۋ كٷن تەرتٸبٸندەگٸ ماڭىزدى مەسەلە.
«بٸز بار سالماقتى بيۋدجەتكە سالعىمىز كەلمەيدٸ. سوندىقتان قولجەتٸمدٸ باسپانانى جەكە ينۆەستيتسييالار ەسەبٸنەن جٷزەگە اسىرۋدى كٶزدەپ وتىرمىز. جاقىندا عانا تاعى بٸر تۇرعىن ٷي سالۋ كومبيناتىنىڭ ٶز جۇمىسىن باستاعانىن بٸلەسٸزدەر. قولجەتٸمدٸ باسپانامەن قامتۋدىڭ باستى سەگمەنگتٸ رەتٸندە وسى كومبيناتتى قاراستىرىپ وتىرمىز», - دەدٸ التاي كٶلگٸنوۆ.
