ەلوردادا قاردى ۋاقتىلى تازالاماعانى ٷشٸن 50 پيك (باسقارۋشى كومپانييالار, جشس) ايىپپۇل سالىندى. جالپى سوما 1 ملن 187 مىڭ تەڭگەدەن استى, دەپ حابارلايدى قالالىق ەكٸمدٸكتٸڭ باسپاسٶز قىزمەتٸ.
قىس باستالعالى قر ەقبك 505-بابىن (قالالار مەن ەلدٸ مەكەندەردٸ اباتتاندىرۋ ەرەجەلەرٸن بۇزۋ) بۇزعانى ٷشٸن 23 مەردٸگەر ۇيىم ەكٸمشٸلٸك جاۋاپقا تارتىلدى. ايىپپۇل سوماسى 1 ملن 800 مىڭ تەڭگەنٸ قۇرادى.
مىسالى, «REM.KZ» جشس-عا ازييا پارك سوو-نىڭ ماڭايىنداعى اۋماقتى دەر كەزدە قار مەن مۇزدان تازالاماعانى ٷشٸن 126 250 تەڭگە ايىپپۇل سالىندى.
ايتا كەتۋ كەرەك, كەشە قالانى قاردان تازالاۋ جۇمىستارىنا 1 مىڭنان استام ارنايى تەحنيكا مەن 1652 جول جۇمىسشىلارى جۇمىلدىرىلدى. 23 جەلتوقساننان 24 جەلتوقسانعا قاراعان تٷنٸ 24150 تەكشە مەتر قار شىعارىلدى (2013 رەيس). بارلىعى 1051668 تەكشە مەتر قار شىعارىلدى, بۇل 87639 رەيس.
