ٶتكەن تەۋلٸكتە ەلوردادا كارانتين رەجيمٸن بۇزعانى ٷشٸن 7 مەكەمە ەكٸمشٸلٸك جاۋاپكەرشٸلٸككە تارتىلدى, دەپ حابارلايدى "ۇلت اقپارات" قالا ەكٸمدٸگٸنٸڭ رەسمي سايتىنا سٸلتەمە جاساپ.
ەلوردانىڭ مونيتورينگتٸك توپتارى كرانتين تالاپتارىن بۇزعان كەسٸپكەرلٸك نىساندارىن كٷن سايىن انىقتاي وتىرىپ, تەۋلٸك بويى كٷشەيتٸلگەن رەجيمدە جۇمىسىن جالعاستىرۋدا.
ەسٸل اۋدانىندا «Chechil Pub» بارى, «Alanya» كاراوكە-مەيرامحاناسى, «The-دىم» لاۋندج-بارى جۇمىس رەجيمٸن بۇزدى. سونداي-اق, سوڭعىسى كاليان شەگۋ قىزمەتٸن كٶرسەتكەن.
سونىمەن قاتار, باقىلاۋ توبى ەسٸگٸن جاۋىپ جۇمىس ٸستەگەن «Inforno» مەيرامحاناسىنا كٸرە المادى.
سونداي-اق بەلگٸلەنگەن ۋاقىتتان كەيٸن الماتى اۋدانىندا ورنالاسقان «بانيا نا دروۆاح» ساۋناسى مەن «پوتولوك» ينتەرنەت كافەسٸ جۇمىس ٸستەگەن.
سارىارقا اۋدانىندا «سپورت سيتي» فيتنەس كلۋبى مەن «ستامبۋل» كافەسٸ دە وسىنداي بۇزۋشىلىقتارعا جول بەردٸ.
كارانتين تەرتٸبٸن بۇزعاندارعا قاتىستى جينالعان ماتەريالدار تيٸستٸ شارالار قابىلداۋ ٷشٸن اۋداندىق سانيتارلىق-ەپيدەميولوگييالىق باقىلاۋ باسقارماسىنا تاپسىرىلدى.
