«Mega Silk Way» ساۋدا جەنە ويىن-ساۋىق ورتالىعىنداعى Happylon Park-تە دەلفيندەر شوۋىن پاش ەتەتٸن دەلفيناريي اشىلدى, دەپ حابارلايدى قازاقپارات تٸلشٸسٸ.
بٷگٸن ورتالىق ازيياداعى ەڭ ٸرٸ سانالاتىن ەلورداداعى دەلفينارييدە قايىرىمدىلىق شوۋى ٶتكٸزٸلدٸ. العاشقى شوۋ نۇر-سۇلتان قالاسى ەكٸمدٸگٸنٸڭ مۇرىندىق بولۋىمەن بالالار ٷيٸنٸڭ تەربيەلەنۋشٸلەرٸ ٷشٸن تەگٸن ۇيىمداستىرىلعان. «كاريب تەڭٸزٸنٸڭ قاراقشىلارى» فيلمٸ جەلٸسٸمەن تٷسٸرٸلگەن شوۋدا اكتەرلار مەن دەلفيندەر بالالارعا قۋانىش سىيلاپ, جاس دوستاردىڭ قوشەمەتٸنە يە بولدى. ورتاعا شىققان دجەك قاراقشى دەلفيندەرمەن تٷرلٸ ەلەمەنتتەگٸ ٶنەردٸ پاش ەتتٸ.
Happylon Park-تەگٸ دەلفينارييدٸڭ باسقارۋشىسى لەززات تۇرسىنباەۆانىڭ ايتۋىنا قاراعاندا, دەلفينارييگە 400 ورىندىق زال ەنەدٸ. دەلفينارييدە تۇراقتى اكتەر رەتٸندە ەكٸ دەلفين دي-دي مەن زەۆس, سونداي-اق روككي تەڭٸز مىسىعى ٶنەر كٶرسەتەدٸ.
«بٸز بٷگٸن 400 بالا ٷشٸن قايىرىمدىلىق شوۋىن ۇيىمداستىرىپ جاتىرمىز. نەگٸزٸ بۇل جوبا ەكسپو اياسىندا جاسالعان. بۇل دەلفينارييدٸ بٸرٸنشٸ رەت رەسەيدەن اكتەرلار 4 دەلفين, 2 تەڭٸز مىسىعىن ەكەلٸپ, بٸر جىلدىق كەلٸسٸمشارت بويىنشا كونتسەرتٸن بەرٸپ كەتكەن بولاتىن. سول كەزدە دە ەڭ الدىمەن قايىرىمدىلىق شوۋ ٶتكٸزگەنبٸز. بٷگٸن سول دەستٷردەن اتتاماي, بالالاردى قۋانتۋدى جٶن كٶردٸك. ەر بالانىڭ ارمانى – دەلفيندٸ بٸر كٶرۋ. كٶپبالالى انالاردىڭ بالالارىن, ەكەسٸ نەمەسە شەشەسٸ جوق, ودان بٶلەك بالالار ٷيٸنەن بالالار وسىندا كەلدٸ», - دەدٸ لەززات تۇرسىنباەۆا.
ونىڭ ايتۋىنشا, دٷنيەدە دەلفيندەردٸ بەلگٸلٸ بٸر ويىنعا ٷيرەتۋ مٷمكٸن ەمەس. ال ەلورداعا ەكەلٸنگەن دەلفيندەر – بٸر كەزدەرٸ ٷيرەتٸلگەن دەلفيندەردٸڭ تٶلٸ.
«اكتەر دەلفيندەرٸمٸز بالالاردىڭ قوشەمەتٸنە قۋانا-قۋانا ٶنەر كٶرسەتەدٸ. بىلايعى كٷندە دەلفينارييگە كٸرۋ اقىلى بولادى. باعاسى 3-5 مىڭ ارالىعى», - دەيدٸ ول.
پاركتە دەلفيندەر ٷشٸن بارلىق جاعداي جاسالعان. ولارمەن تۇراقتى تٷردە جاتتىقتىرۋشىلار جۇمىس جٷرگٸزەدٸ. باسسەين دە ەردايىم تازارتىلىپ تۇرادى. سونىمەن بٸرگە, سۋ تاعىلارىن 20 جىلدىق ٶتٸلٸ بار ۆەتەرينار تۇراقتى تٷردە تەكسەرٸپ تۇراتىن كٶرٸنەدٸ.
