ەلوردا پوليتسيياسىنا بالالار ارباسىنىڭ ۇرلانۋ فاكتٸسٸمەن جەرگٸلٸكتٸ تۇرعىن شاعىمداندى. ونىڭ ايتۋىنشا, قۇنى 45 مىڭ تەڭگە تۇراتىن اربا كٸرەبەرٸستەگٸ باسپالداق استىندا تۇرعان, دەپ حابارلايدى "ۇلت اقپارات" نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
سارىارقا اۋداندىق پوليتسييا باسقارماسى قىزمەتكەرلەرٸنٸڭ جەدەل-ٸزدەۋ شارالارىن ٶتكٸزۋ كەزٸندە كٷدٸكتٸ ەيەل انىقتالىپ, ۇستالدى.
پوليتسييا بٶلٸمشەسٸنە جەتكٸزٸلگەن 27 جاستاعى ەيەل ٶز كٸنەسٸن مويىندادى.
ول ٷيدٸڭ جانىنان ٶتٸپ بارا جاتقاندا كٸرەبەرٸستٸڭ اشىق تۇرعان ەسٸگٸنەن باسپالداقتىڭ استىنداعى بالالار اربالارى مەن ۆەلوسيپەدتەردٸ كٶرگەن. ەيەل مٷمكٸندٸكتٸ پايدالانا وتىرىپ, اربالاردىڭ بٸرٸن بالاسىنا ۇرلاپ ەكەتكەن.
پوليتسييا قىزمەتكەرلەرٸ ۇرلانعان زاتتى تەركٸلەپ, يەسٸنە قايتاردى.
اتالعان فاكتٸمەن سوت الدىنداعى تەرگەۋ جۇمىسى جٷرٸپ جاتىر.
ۇستالعان ەيەلدٸڭ بۇرىن جاسالعان وسىعان ۇقساس قىلمىستارعا قاتىسى بار-جوعى انىقتالۋدا.
نۇر-سۇلتان قالاسىنىڭ پوليتسييا دەپارتامەنتٸ تۇرعىندارعا قىراعى بولىپ, باعالى زاتتارىن قاراۋسىز قالدىرماۋىن سۇرايدى.
