ەكٸ مەرتە كەڭەس وداعىنىڭ باتىرى تالعات بيگەلدينوۆتٸڭ تۋعانىنا 99 جىل تولۋ قۇرمەتٸنە نۇر-سۇلتان قالاسىندا داڭقتى ۇشقىشتىڭ ەسكەرتكٸشٸنە گٷل شوقتارىن قويۋ رەسٸمٸ ٶتتٸ. بۇل تۋرالى قورعانىس مينيسترلٸگٸنٸڭ باسپاسٶز قىزمەتٸ حابارلادى.
وعان حالىق قاھارمانى ارمييا گەنەرالى مۇحتار التىنباەۆ, ەۋە قورعانىسى كٷشتەرٸنٸڭ باس قولباسشىسى اۆياتسييا گەنەرال-لەيتەنانتى نۇرلان ورمانبەتوۆ, قازاقستان ەسكەري-ەۋە كٷشتەرٸنٸڭ ارداگەرلەرٸ مەن وفيتسەرلەرٸ قاتىستى.
– بٷگٸن بٸز تالعات جاقىپبەكۇلىنىڭ ەرلٸگٸنە تاعزىم ەتٸپ, قۇرمەت كٶرسەتۋ ٷشٸن جينالىپ وتىرمىز. لايىقتى ٸزباسارلاردى, تەۋەلسٸز قازاقستاننىڭ ەسكەري ۇشقىشتارىن, وتان قورعاۋشىلارىن دايارلايتىن ەۋە قورعانىسى كٷشتەرٸنٸڭ ەسكەري ينستيتۋتى باتىردىڭ ەسٸمٸن ماقتانىشپەن الىپ جٷر. بٸزدٸڭ جٷرەگٸمٸزدە داڭقتى باتىر تۋرالى جارقىن ەستەلٸكتەر مەڭگٸ ساقتالادى. باتىردىڭ «وقىڭىز. ٷيرەنٸڭٸز. جان-تەنٸ ساۋ مىقتى ازامات بولىڭىز. ٶزٸڭٸزدٸ قيىندىققا تٶزە بٸلۋگە ٷيرەتٸڭٸز. كەز كەلگەن جاعدايدا, كەز كەلگەن قيىندىقتا رۋحى مىقتى ادام عانا جەڭٸمپاز بولادى. اعا بۋىننىڭ جاۋىنگەرلٸك دەستٷرلەرٸن, ەڭبەكقورلىعىن ۇستاناتىن ادال مۇراگەرٸ بولىڭىز» دەگەن ٶسيەتٸن ەرقاشان ۇستانامىز, – دەدٸ اۆياتسييا گەنەرال-لەيتەنانتى نۇرلان ورمانبەتوۆ.
تالعات بيگەلدينوۆ بالاشوۆسكيي اۆياتسييالىق ۋچيليششەسٸنٸڭ كۋرسانتىنان باستاپ بٸرٸنشٸ ۋكراينا مايدانى قۇرامىنداعى 144-شٸ گۆاردييالىق اۆياتسييالىق پولكتٸڭ ەسكادريليا كومانديرٸنە دەيٸنگٸ ەڭبەك جولىنان جٷرٸپ ٶتتٸ.
سوعىس كەزٸندە ول يل-2 شابۋىلداۋشى ۇشاعىندا 305 رەت ۇشىپ, باتىرلىق, ۇشۋدا شەبەرلٸك تانىتىپ, ەڭ جاۋاپتى تاپسىرمالاردى سەتتٸ ورىندادى. تالعات بيگەلدينوۆ ەرلٸگٸ ٷشٸن لەنين, قىزىل تۋ, الەكساندر نەۆسكيي, قىزىل جۇلدىز, III دەرەجەلٸ داڭق, I جەنە II دەرەجەلٸ وتان سوعىسى وردەندەرٸمەن ناگرادتالدى, ەكٸ رەت كەڭەس وداعىنىڭ باتىرى اتاعىنا يە بولدى.
سوعىستان كەيٸنگٸ جىلدارى تالعات بيگەلدينوۆ ەسكەري جەنە ازاماتتىق اۆياتسييادا قىزمەت ەتٸپ, قوعامدىق جۇمىسپەن اينالىستى.
تالعات جاقىپبەكۇلى بيگەلدينوۆ 2014 جىلعى 10 قاراشادا قايتىس بولدى.
