ەلوردادا ەلەۋمەتتٸك جەلٸگە روليك تٷسٸرۋ ماقساتىندا قوعامدىق تەرتٸپتٸ بۇزعان كەمەلەتكە تولماعاندار ۇستالدى. بۇل جايىندا نۇر-سۇلتان قالالىق پوليتسييا دەپارتامەنتٸنەن مەلٸم ەتتٸ, دەپ حابارلايدى قازاقپارات.
«ەلورداداعى بانكتەردٸڭ بٸرٸنٸڭ مەنەدجەرٸنەن «102» ارناسىنا بەلگٸسٸز ادامداردىڭ عيماراتتا جٷرگەنٸ جەنە كليەنتتەرگە قوقان-لوقى جاساعانى تۋرالى حابارلاما تٷستٸ. وقيعا ورنىنا جەتكەن پوليتسييا قىزمەتكەرلەرٸ فاكتٸنٸ راستاعان جوق. تەكسەرۋ بارىسىندا 14-15 جاستاعى ٷش جاسٶسپٸرٸمنٸڭ دوستىق كٶشەسٸ بويىنداعى بانك عيماراتىنا قارجى ينستيتۋتىن ٶتٸرٸك توناۋ ۆيدەوسىن تٷسٸرۋ ٷشٸن كٸرگەنٸ انىقتالدى. ولار ويىنشىق تاپانشا قولدانىپ, ۆيدەو تٷسٸرٸم جاساپ, ودان كەيٸن بوي تاسالاعان», - دەپ اتاپ ٶتەدٸ دەپارتامەنتتەن.
پوليتسييا قىزمەتكەرلەرٸ اتالعان ٷش جاسٶسپٸرٸمدٸ انىقتاپ, ولاردىڭ زاڭدى ٶكٸلدەرٸن ٸشكٸ ٸستەر ورگانىنا شاقىرعان. بالالاردىڭ اتاپ ٶتۋٸنشە, ولار روليك تٷسٸرۋمەن اينالىساتىن كينواكادەمييادا تەلٸم الادى. ساباق بارىسىندا ولارعا توناۋ سەتٸ بەينەلەنگەن روليك تٷسٸرۋ تاپسىرماسى بەرٸلگەن. ستسەنارييگە وراي قىز بالا بانك عيماراتىنا كٸرگەننەن كەيٸن ويىنشىق تاپانشانى سەرٸكتەسٸنە كەزەنگەن كەزدە ٷشٸنشٸسٸ ورىن العان سەتتٸ كامەراعا تٷسٸرٸپ العان. وسى ۋاقىتتا بانك عيماراتىندا ٶزگە دە كەلۋشٸلەر بولعان.
«اتالعان فاكتٸ بويىنشا كينواكادەمييا باسشىلىعىنا قاتىستى قر ەقبتك-تٸڭ 128-بابىمەن ەكٸمشٸلٸك ٸس قوزعالدى. كەمەلەتكە جاسى تولماعانداردىڭ قوعامدىق تەرتٸپتٸ بۇزعانى ٷشٸن ولاردىڭ زاڭدى ٶكٸلدەرٸ جاۋاپقا تارتىلدى. اتا-انالارىنىڭ ٷستٸنەن قر ەقبتك-تٸڭ 435-بابىمەن ەكٸمشٸلٸك ٸس قوزعالىپ وتىر. جينالعان ماتەريل پروتسەسسۋالدىق شەشٸم قابىلدانۋ ٷشٸن نۇر-سۇلتان قالالىق كەمەلەتكە تولماعاندار ٸسٸ جٶنٸندەگٸ مامانداندىرىلعان اۋدانارالىق سوتىنا جٸبەرٸلدٸ», - دەلٸنگەن ۆەدومستۆو اقپاراتىندا.
