كەشە ەلوردادا ورىن العان 2 ٶرت سالدارىنان ەكٸ ادام قازا تاپتى. بۇل تۋرالى نۇر-سۇلتان قالالىق تجد مەملەكەتتٸك ٶرت باقىلاۋ باسقارماسىنىڭ باستىعى ەركٸن وتارعالىمۇلى ايتتى, دەپ حابارلايدى "ۇلت اقپارات".
«بٷگٸنگٸ تاڭدا 24 مىڭنان استام جەكە تۇرعىن ٷيدٸ ارالاپ, تۇرعىندارمەن ٶرت قاۋٸپسٸزدٸگٸ تاقىرىبىندا تٷسٸندٸرۋ جۇمىسى جٷرگٸزٸلدٸ. دەگەنمەن, ستاتيستيكالىق مەلٸمەتتەرگە قارايتىن بولساق, تۇرعىنداردىڭ بارلىعى بٸردەي قاۋٸپسٸزدٸك ەرەجەسٸن ساقتاي بەرمەيدٸ. جىلىتۋ ماۋسىمىنداعى ٶرتتٸڭ شىعۋ سەبەبٸنٸڭ بٸرٸ پەشتەردٸڭ ٶرت قاۋٸپسٸزدٸگٸ ەرەجەلەرٸنە ساي پايدالانىلماۋى بولىپ وتىر. بۇل رەتتە قالا تۇرعىندارى مەن قوناقتارىنا جىلۋ پەشتەرٸن شامادان تىس قىزدىرماۋعا كەڭەس بەرەمٸز. ياعني, پەشتٸ تەلٸك ٸشٸندە 1 رەت ەمەس بٸرنەشە رەت جاققان ابزال ەكەنٸن ەسكەرتەمٸز», - دەدٸ ول.
ونىڭ ايتۋىنشا, مەكتەپتەر مەن بالاباقشالار جۇمىسىنا ەنگٸزٸلگەن شەكتەۋگە بايلانىستى بالالاردى ٷيدە جالعىز قالدىرماۋ كەرەك. جانىپ جاتقان پەشتٸ بالالارعا باقىلاپ وتىرۋعا تاپسىرماعان جٶن.
«سونىمەن قاتار تۇرعىندار ٷيلەرٸن جىلىتۋ ٷشٸن ەلەكتر جىلىتقىشتاردى پايدالانادى. مۇنداي قۇرالداردا قىزعان كەزدە اۆتوماتتى تٷردە ٶشٸرەتٸن رەتتەگٸشٸ بولۋى جەنە رادياتورىندا ماي بولۋى تيٸس», - دەدٸ ەركٸن وتارعالىمۇلى.
باسقارما باستىعىنىڭ دەرەگٸنشە, كەشە عانا ەلوردادا 2 ٶرت تٸركەلٸپ, 2 ادام قازا تاپقان. بٸرٸنشٸ وقيعادا ٸشٸمدٸككە ماس بولعان ەر ادام تەمەكٸ شەگٸپ جاتىپ ۇيىقتاپ كەتسە, ەكٸنشٸسٸندە ٶرتتٸڭ شىعۋىنا جانىپ تۇرعان مايشام سەبەپ بولعان.
