ەلوردادا 10 ملن ارحيۆ قۇجاتىن ساقتايتىن قويما سالۋ كەرەك. بۇل تۋرالى قر پرەزيدەنتٸ جانىنداعى ادام قۇقىقتارى جٶنٸندەگٸ كوميسسييا وتىرىسىندا مەدەنيەت جەنە سپورت مينيسترٸ اقتوتى رايىمقۇلوۆا ايتتى, دەپ حابارلايدى قازاقپارات.
«نۇر-سۇلتان قالاسىندا قر ۇلتتىق ارحيۆٸنٸڭ ارحيۆ قۇجاتتارىن, سونداي-اق مەملەكەتتٸك ساقتاندىرۋ قورى قۇجاتتارىنىڭ كٶشٸرمەلەرٸن ساقتاۋدى جٷزەگە اسىراتىن, 10 ملن قۇجات ساقتاۋعا ارنالعان جەكە ارحيۆ قويماسىن سالۋ مەسەلەسٸ قاراۋدى تالاپ ەتەدٸ»,- دەدٸ ول.
ونىڭ اتاپ ٶتۋٸنشە, ارحيۆتەردٸڭ جٷكتەلۋ پروبلەماسىن شەشۋ ماقساتىندا مەدەنيەت جەنە سپورت مينيسترلٸگٸ 2020 جىلعى جەلتوقساندا قۇرىلىس جەنە تۇرعىن ٷي-كوممۋنالدىق شارۋاشىلىق كوميتەتٸنە 200, 500 مىڭ, 1 ملن جەنە 1,5 ملن ساقتاۋ بٸرلٸگٸنە ارنالعان مەملەكەتتٸك ارحيۆتٸك ٷلگٸلٸك عيماراتتارىنىڭ جوبالىق-سمەتالىق قۇجاتتاماسىن ەزٸرلەۋگە ٶتٸنٸم بەرگەن.
«ٶز كەزەگٸندە يندۋسترييا جەنە ينفراقۇرىلىمدىق دامۋ مينيسترلٸگٸ 2021 جىلعى 11 ناۋرىزدا مەدەنيەت جەنە سپورت مينيسترلٸگٸنٸڭ ٶتٸنٸمٸ نەگٸزٸندە مەملەكەتتٸك ارحيۆتەر عيماراتتارىنىڭ ٷلگٸلٸك جوبالارىن ەزٸرلەۋ ٷشٸن 2022-2024 جىلدارعا ارنالعان بيۋدجەتتٸك ٶتٸنٸم قالىپتاستىردى. رەسپۋبليكالىق بيۋدجەتتٸك كوميسسييا ٶتٸنٸمدٸ ماقۇلداعان جاعدايدا يندۋسترييا جەنە ينفراقۇرىلىمدىق دامۋ مينيسترلٸگٸ 2022 جىلى زاڭنىڭ بەلگٸلەنگەن تالاپتارىنا سەيكەس ارحيۆ عيماراتىنىڭ ٷلگٸلٸك جوبالارىن ەزٸرلەۋگە دايىن», - دەدٸ اقتوتى رايىمقۇلوۆا.
