«وتباسى بانك» اق ورتالىق فيليالىنىڭ ديرەكتورى جانسۇلتان ماتاي «ەلوردا جاستارى» تۇرعىن ٷي باعدارلاماسىنىڭ قاشان ٸسكە قوسىلاتىنىن ايتىپ بەردٸ, دەپ حابارلايدى قازاقپارات.
«بۇل – ەلوردا جاستارىن تولعاندىراتىن ٶزەكتٸ مەسەلەلەردٸڭ بٸرٸ. بۇل مەسەلە مەملەكەت باسشىسىنىڭ دا, قالا باسشىلىعىنىڭ دا نازارىندا. بيىل «الماتى جاستارى» باعدارلاماسى سيياقتى ەلوردادا «ەلوردا جاستارى» باعدارلاماسى جٷزەگە اسىرىلادى», - دەدٸ جانسۇلتان ماتاي تٸلشٸلەر سۇراعىنا بەرگەن جاۋابىندا.
سپيكەر بۇل جوبانى جەرگٸلٸكتٸ اتقارۋشى ورگاندار قارجىلاندىراتىن بولعاندىقتان, بانك پەن ەكٸمدٸك اراسىنداعى كەلٸسٸمگە ەلٸ قول قويىلماعانىن ايتتى. بٸراق ەكٸمدٸك بۇل باعىتتا جۇمىس ٸستەپ جاتىر.
«وسى جىلدىڭ بٸرٸنشٸ توقسانىندا اتالعان مەسەلە بويىنشا مەسليحات وتىرىسى ٶتۋٸ كەرەك. ناقتى كٷنٸن ايتا المايمىن, بٸراق ناۋرىز ايىندا وسى باعدارلاما باستالادى دەپ ايتۋعا بولادى», - دەيدٸ جانسۇلتان ماتاي.
