نۇر-سۇلتان قالاسىنىڭ وقۋشىلار سارايىنىڭ ديرەكتورى ەربول ٸرگەباي 12 مىڭ بالا وقىپ, بٸلٸم الىپ جاتقان ۇيىمنىڭ جۇمىسى تۋرالى بايانداپ بەردٸ, دەپ حابارلايدى قازاقپارات.
«بٷگٸنگٸ تاڭدا وقۋشىلار سارايىندا 12 مىڭنان استام بالا بٸلٸم الادى. 125 تٷرلٸ سەكتسييا مەن ٷيٸرمە جۇمىس ٸستەپ تۇر. بٸزدٸڭ وقۋشىلار سارايىنىڭ ەرەكشەلٸگٸ: عىلىم مەن تەحنيكا, ٶنەر, مەدەنيەت سالاسى جەنە سپورت – ٷش باعىت قاتار دامىپ كەلە جاتىر. سپورت سالاسىندا فۋتبول, حوككەي, سۋدا جٷزۋ, جەڭٸل اتلەتيكا, بوكس, ساداق اتۋ, كٷرەس تٷرلەرٸنەن ٷيٸرمەلەر بولسا, ٶنەر سالاسىندا حورەوگرافييا, ەن ايتۋ, سۋرەت سالۋ, كەراميكا ٷيٸرمەلەرٸندە دە بٸلٸكتٸ ماماندار مەن مۇعالٸمدەر جۇمىس ٸستەيدٸ. بالالاردىڭ قىزىعۋشىلىعى جوعارى. تاياۋدا بٸزدٸڭ سارايدا «پرەزيدەنتتٸك شىرشا» سالتاناتتى شاراسى ٶتكٸزٸلدٸ», - دەدٸ ول مەجٸلٸسمەندەردٸڭ وقۋشىلار سارايىن ارالاۋى كەزٸندە تٸلشٸلەرگە.
ەربول ٸرگەبايدىڭ ايتۋىنا قاراعاندا, وقۋشىلار سارايىندا روبوت تەحنيكاسى, كيبەرسپورت, تٷرلٸ تەحنيكالىق ورتالىقتار – اۆتومودەلدەۋ, سۋدا مودەلدەۋ, عارىشتىق تەحنيكانى مودەلدەۋ, حيمييا-فيزيكا باعىتتارىندا ٷيٸرمەلەرگە وقۋشىلار كٶپ كەلەدٸ.
«ەندٸگٸ ماقساتتىڭ بٸرٸ – عىلىم مەن تەحنيكا باعىتىنداعى «تۋمو» ورتالىعىنا نەگٸزدەلگەن «Sana» دەگەن باعدارلاما جاساعانبىز. ياعني, بالالار تسيفرلىق تەحنولوگييالاردى دامىتۋعا بايلانىستى داعدىلارىن شىڭداپ, ٶزدەرٸ باعدارلاما جاساۋعا ٷيرەنەدٸ», - دەدٸ ەربول ٸرگەباي.
وقۋشىلار سارايىنىڭ ديرەكتورى ٶز سٶزٸندە قانداي مەسەلەلەر بارىن دا جاسىرعان جوق.
«قيىن پروبلەما بٸزدە – باسسەيندە. قالا ٷشٸن بٸزدٸڭ باسسەين, تٸپتٸ جالپى, بٸر عانا وقۋشىلار سارايىنىڭ ٶزٸ قالاعا ازدىق ەتەدٸ. ٶيتكەنٸ, ەلوردانىڭ 1 ميلليوننان استام تۇرعىنى بار. جالپى, بەس كٷندٸك وقۋ كٷنٸ بەكٸتٸلگەندٸكتەن, بٷكٸل قالا بويىنشا قوسىمشا بٸلٸم بەرۋ ۇيىمدارىن كٶبەيتۋ كەرەك. سپورت بولسىن, ٶنەر نەمەسە تەحنيكا بولسىن بالالارعا ارنالعان ۇيىمداردى بارىنشا كٶبەيتسە جاقسى بولار ەدٸ. قالاداعى ەربٸر اۋدانعا بٸر-بٸر باسسەين سالىپ قويسا جاقسى بولار ەدٸ. سەبەبٸ, باسسەيندٸ بٷگٸنگٸ كٷنٸ بارلىعى قاجەت ەتەدٸ. تٸپتٸ ومىرتقاسى قيسايعان بالالارعا دەرٸگەرلەر باسسەينگە تٷسۋگە كەڭەس بەرەدٸ. بٸزدە 1 200 ورىن. ودان ارتىق الا المايمىز. اتا-انالار بٸزگە «بالالارىمىزدى باسسەينگە قابىلدامايسىڭدار» دەپ رەنجيدٸ. قالادا اقىلى باسسەيندەر بٸلۋٸمشە, قىمبات بولۋى كەرەك. بٸزدە باسسەيندە ايلىق تٶلەم – 10 مىڭ تەڭگە», - دەدٸ ول.
ەربول ٸرگەباي باسسەين ەردايىم تازالانىپ وتىرۋى كەرەكتٸگٸن, سانيتارلىق نورماسى بارىن, اپتاسىنا بٸر رەت باسسەين تەكسەرٸلٸپ وتىراتىنىن ايتىپ ٶتتٸ.
«بٸزدە 171 پەداگوگ جۇمىس ٸستەيدٸ. قوسىمشا تٷرلٸ جەردەن (...) كەلٸپ قىزمەت اتقاراتىندار بار. ەگەر قوسىمشا بٸلٸم بەرەتٸن پەداگوگتاردىڭ جالاقىسى كٶپ بولسا, ول بٸزدە تۇراقتى جۇمىس ٸستەي الار ەدٸ. جالاقى از بولعاندىقتان, ەلگٸ پەداگوگ بٸزدٸڭ وقۋشىلار سارايىنا كەلٸپ, تٷستەن كەيٸن مۋزىكا مەكتەبٸنە ساباق بەرٸپ كەتۋٸ مٷمكٸن. وسىدان بارىپ ساپا تٶمەندەيدٸ. سوندىقتان, قوسىمشا بٸلٸم بەرەتٸن پەداگوگتاردىڭ جالاقىسى تۇراقتالسا جاقسى بولار ەدٸ», - دەدٸ ول.
وقۋشىلار سارايىندا ٷيٸرمەلەر بيۋدجەتتٸك جەنە اقىلى دەپ ەكٸگە بٶلٸنەدٸ. 12 مىڭ بالانىڭ 8500-ى بيۋدجەتتٸك توپتاردا (كٶپبالالى نەمەسە از قامتىلعان وتباسىلاردىڭ بالالارى) وقيدى.
