فوتو: Polisia.kz
استانالىق پوليتسەيلەر بٸرنەشە جىل بويى تۇرعىندى قورقىتىپ, 33 ملن تەڭگەگە جۋىق قارجىنى يەمدەنگەن بوپسالاۋشىلاردى ۇستادى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
31 جەنە 46 جاستاعى ەكٸ ەر ادام ەلوردا تۇرعىنىنان بٸرنەشە جىل بويى اقشانى قورقىتىپ العان. ولار ەر ازاماتتى 2019 جىلدان باستاپ پسيحولوگييالىق قىسىم كٶرسەتۋ جەنە ينتيمدٸك سيپاتتاعى فوتوسۋرەتتەر مەن بەينەجازبالاردى تاراتامىز دەپ قورقىتۋ ارقىلى بوپسالاعان.
استانا تۇرعىنى بٸرنەشە جىل ٸشٸندە بوپسالاۋشىلارعا جالپى سوماسى 33 ملن تەڭگەگە جۋىق اقشا بەرگەن. كٷدٸكتٸلەردٸڭ بٸرٸنٸڭ تالابىن ورىنداۋ ٷشٸن جەبٸرلەنۋشٸ ٶزٸنٸڭ Toyota Land Cruiser Prado اۆتوكٶلٸگٸن لومباردقا تاپسىرىپ, 10 ملن تەڭگە بەرگەن.
ەر ادام وسى جىلدىڭ قاراشا ايىندا, 46 جاستاعى كٷدٸكتٸنٸڭ كەزەكتٸ بوپسالاۋ فاكتٸسٸنەن كەيٸن پوليتسيياعا جٷگٸنگەن.
"جەدەل-ٸزدەستٸرۋ ٸس-شارالارى بارىسىندا ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ بوپسالاۋعا قاتىسى بار ەكٸ ەر ادامدى ۇستادى جەنە قاماۋعا الدى.
كٷدٸكتٸلەردٸڭ بٸرٸ الماتى قالاسىندا ۇستالدى. جەكە تەكسەرۋ بارىسىندا ودان ەسٸرتكٸ زاتى ورالعان تٷيٸنشەك تەركٸلەندٸ. ۇستالعان ادامنىڭ بۇرىن وسىعان ۇقساس قىلمىس جاساعانى ٷشٸن سوتتالعانى انىقتالدى.
قازٸرگٸ ۋاقىتتا اتالعان فاكتٸ بويىنشا قر قك-نٸڭ 194-بابى (قورقىتىپ الۋ) بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر" - دەلٸنگەن حابارلامادا.
استانا قالاسىنىڭ پوليتسييا دەپارتامەنتٸ زاڭناماعا سەيكەس ٸرٸ جەنە اسا ٸرٸ مٶلشەردە مٷلٸك الۋ ماقساتىندا جاسالعان قورقىتىپ الۋ 5 جىلدان 15 جىلعا دەيٸنگٸ مەرزٸمگە باس بوستاندىعىنان ايىرۋعا جازالاناتىنىن ەسكەرتەدٸ.
