ەلوردا تۇرعىنى جوق پەتەرلەردٸ جالعا بەرگەن. 23 جاستاعى جاس جٸگٸت 6 ادامدى الداعان, – دەپ حابارلايدى Polisia.kz.
تەرگەۋ بارىسىندا كٷدٸكتٸنٸڭ OLX حابارلاندىرۋى ارقىلى جوق پەتەرلەردٸ جالعا بەرۋ تۋرالى جارناما ورنالاستىرعانى انىقتالعان. جەبٸرلەنۋشٸلەر قىمبات ەمەس باعانى كٶرٸپ, حابارلاندىرۋ بويىنشا قوڭىراۋ شالعان.
كٷدٸكتٸ تەلەفونمەن سٶيلەسكەندە ٶتە سىپايى بوپ, الدىن الا تٶلەم جاساۋ كەرەك دەپ شارت قويعان. جاس جٸگٸت اقشانى العاننان كەيٸن بٸردەن جارنامالاردى الىپ تاستاپ, تەلەفون نٶمٸرٸن اۋىستىرعان. ونىڭ بۇرىن ريەلتور بولىپ جۇمىس ٸستەگەنٸ دە بەلگٸلٸ بولدى.
وسىلايشا 6 ازامات الاياقتىڭ ايلاسىنا تٷسٸپ, وعان 30 مىڭنان 110 مىڭ تەڭگەگە دەيٸن اقشا اۋدارعان.
اتالعان فاكتٸ بويىنشا قر قك 190-بابى بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر. قازٸرگٸ ۋاقىتتا ونىڭ بۇرىن جاسالعان وسىعان ۇقساس قىلمىستارعا قاتىستىلىعى تەكسەرٸلٸپ, سونداي-اق باسقا دا جەبٸرلەنۋشٸلەر انىقتالىپ جاتىر.
