بٷگٸن نۇر-سۇلتان قالالىق مەسليحاتى قۇرىلىس, ەكولوگييا, كٶلٸك, ساۋدا جەنە تۇرعىن ٷي-كوممۋنالدىق شارۋاشىلىق مەسەلەلەرٸ جٶنٸندەگٸ تۇراقتى كوميسسيياسىنىڭ وتىرىسى ٶتتٸ, دەپ حابارلايدى "ۇلت اقپارات".
وتىرىسى بارىسىندا مەڭگٸلٸك ەل داڭعىلىناعى №35-ٷي تريۋمفالدى اركا تۇرعىن كەشەنٸن, وعان ٸرگەلەس اۋماق پەن ٷي-جايلاردى سۋ باسۋ مەسەلەسٸ تالقىلاندى. وسى پروبلەماعا قاتىستى ەسٸل اۋدانى ەكٸمٸنٸڭ ورىنباسارى قانات ابباس بايانداما جاساپ, تۇرعىندارمەن كٷن سايىن 2-3 رەت كەزدەسۋ ۇيىمداستىرىپ وتىرعانىن ايتادى.
«ەسٸل اۋدانىندا قۇرىلىسى جۇمىستارى قارقىندى جٷرگٸزٸلٸپ جاتىر. سوندىقتان دا بۇل پروبلەما جىلدار بويى قوردالانىپ قالعان. اۋداندا بٸر عانا كوللەكتور بار جەنە ونىڭ بارلىق تۇرعىن ٷيلەرگە قىزمەت كٶرسەتۋگە شاماسى جەتپەيدٸ. ونىڭ ٷستٸنە اۋداندا ەرٸگەن قار سۋ, كەرٸز سۋىنىڭ 57 پايىزى وسى كوللەكتورعا كەلٸپ قۇيىلادى. سونىڭ سالدارىنان مەڭگٸلٸك ەل, ەليحان بٶكەيحان, كەرەي مەن جەنٸبەك حاندار, ساۋران كٶشەلەرٸنٸڭ بويىنداعى ٷيلەردٸڭ جەرتٶلەسٸن سۋ باسقان», - دەدٸ ول.
ونىڭ اتاپ ٶتۋٸنشە, سول جاعالاۋداعى پروبلەمانى شەشۋ ٷشٸن ۇزىندىعى 7,6 شاقىرىمدى قۇرايتىن سۋ تازارتۋ نىسانى سالىنادى. نىساننىڭ جوباسى, جوبالىق-سمەتالىق قۇجاتتاماسى, مەملەكەتتٸك ساراپتاما قورىتىندىسى بار.
«اتالعان نىسان سالىنعاننان كەيٸن پروبلەما شەشٸلەدٸ ەرٸ الداعى ۋاقىتتا مۇنداي مەسەلە تۋىندامايدى», - دەدٸ قانات ابباس.
