بٷگٸن نۇر-سۇلتاندا پوليتسييا قىزمەتكەرلەرٸنە ەكپە جاسالۋدا, دەپ حابارلايدى قالا ەكٸمدٸگٸنٸڭ رەسمي سايتى.
قالانىڭ پوليتسييا دەپارتامەنتٸ ەمحاناسىنىڭ تەراپەۆت دەرٸگەرٸ ايدانا ەبدٸپاتتانىڭ ايتۋىنشا, قازٸر «سپۋتنيك V» ۆاكتسيناسىن الۋعا ۋچاسكەلٸك پوليتسەيلەر مەن ٸشكٸ ٸستەر سالاسىنىڭ ارداگەرلەرٸ كەلٸپ جاتىر.
«ولار حالىقپەن تٸكەلەي جۇمىس ٸستەيتٸندٸكتەن ەكپە الۋعا ٶزدەرٸ كەلۋدە. بٸز مەديتسينالىق تالاپقا ساي, ۆاكتسينا سالۋ جايلى ولارعا تٷسٸندٸرٸپ, تانىستىرىپ جاتىرمىز. تالابىمىزعا سەيكەس قاراپ, باقىلاپ, سوسىن عانا جۇمىسىمىزعا كٸرٸسەمٸز. بٷگٸنگە دەيٸن قارسى كٶرسەتكٸشتەر بولعان ەمەس. بٸزدە بەرٸ تالاپقا ساي جٷرگٸزٸلەدٸ», – دەدٸ ايدانا ەبدٸپاتتا.
ەكپە جاساتقانداردىڭ بٸرٸ – نۇر-سۇلتان قالاسى پاترۋلدٸك پوليتسييا ينسپەكتورى, اعا لەيتەنانت سەكەن تاسقىن.
«بٷگٸن مەن ۆاكتسينا سالدىردىم. دەنساۋلىق جاعدايىم دا, كٶڭٸل-كٷيٸم دە جاقسى. حالىقپەن جۇمىس ٸستەپ جٷرگەندٸكتەن ٶز ەركٸممەن ەكپە سالعىزدىم», – دەدٸ سەكەن تاسقىن.
