1 ناۋرىزدا باستاپ مۇعالٸمدەر مەن قۇقىق قورعاۋ ورگاندارىنىڭ قىزمەتكەرلەرٸ كوروناۆيرۋس ينفەكتسيياسىنا قارسى ۆاكتسينانى سالدىرا باستادى. كۆي-دان العاشقى ەكپەنٸ ەلوردالىق №27 جەنە №50 مەكتەپتەردٸڭ مۇعالٸمدەرٸ الدى, دەپ حابارلايدى "ۇلت اقپارات" قالا ەكٸمدٸگٸنٸڭ رەسمي سايتىنا سٸلتەمە جاساپ.
ەكپەنٸ العاشقىلاردىڭ بٸرٸ بولىپ №27 مەكتەپ-ليتسەيٸنٸڭ قازاق تٸلٸ مەن ەدەبيەتٸ پەنٸنٸڭ مۇعالٸمٸ زيباگٷل قاراتاەۆا قابىلدادى.
وسىعان دەيٸن ول دەرٸگەردٸڭ تيٸستٸ تەكسەرٸسٸنەن ٶتكەن بولاتىن.
«مەن ۆاكتسيناتسييانى ٶز ەركٸممەن العىم كەلدٸ. بۇل ەڭ الدىمەن ٶزٸڭدٸ جەنە تۋىستارىڭدى قورعاۋ ٷشٸن قاجەت دەپ بٸلەمٸن. وتباسىمدا كوروناۆيرۋس ينفەكتسيياسىمەن اۋىرعان ەشكٸم جوق جەنە جۇقتىرماس ٷشٸن وسىنداي تاڭداۋ جاساپ وتىرمىن. بۇل - ٶز دەنساۋلىعىما دەگەن جاۋاپكەرشٸلٸك», - دەيدٸ مۇعالٸم.
سونىمەن قاتار, زيباگٷل قاراتاەۆا ۆاكتسينا قابىلداۋدا ەشقانداي قورقىنىش جوق ەكەنٸن ايتىپ ٶتتٸ.
«دەرٸگەرلەردٸڭ ۆاكتسينا قابىلداعانى جايلى قانشاما اقپارات تارادى, بەرٸن وقىپ وتىردىق, جاعدايدى نازاردا ۇستادىق. جاعىمسىز جاعدايلار بولعان جوق. سول سەبەپتٸ سەنٸمدٸ بولدىم», - دەپ تٷسٸندٸردٸ مۇعالٸم.
ۆاكتسينانىڭ بٸرٸنشٸ كومپونەنتٸن №27 ورتا مەكتەپ-ليتسەيٸنٸڭ ديرەكتورى قانات بايسالباەۆ تا قابىلدادى.
ول ٶزٸن جاقسى سەزٸنەتٸنٸن, كەرٸ ەسەرٸ بولماعانىن جەتكٸزدٸ.
«ەگەر بٸز ينفەكتسييانىڭ تارالۋىن قالاماساق, ەكپە قابىلداۋىمىز قاجەت. ونىڭ ٷستٸنە وقۋشىلار بٸرتٸندەپ سىنىبىنا ورالىپ جاتىر. ال ولاردىڭ اتا-انالارىمەن بٸز كٷن سايىن كەزدەسٸپ تۇرامىز. بٸرٸن بٸرٸ قاتەرگە تٸگۋگە بولمايدى. مەن مەكتەپ ديرەكتورى رەتٸندە ەكپە الىپ, ەرٸپتەستەرٸمە ٷلگٸ كٶرسەتۋگە بەل بۋدىم», - دەپ اتاپ ٶتتٸ قانات بايسالباەۆ.
رايىمبەك باتىر اتىنداعى №50 مەكتەپ-ليتسەيٸنٸڭ تاريح پەنٸنٸڭ مۇعالٸمٸ سايلاۋباي شايكەنوۆ مەملەكەت ۇسىنعان تەگٸن ۆاكتسيناتسييادان ٶتۋدٸ ازاماتتىق پارىزى سانايدى.
«مەملەكەت بٸزگە قامقورلىق جاساپ, ۆاكتسيناتسييالاۋدى ۇسىنىپ وتىر. ٶتكەن جىل بٷكٸل ادامزات ٷشٸن قيىن كەزەڭ بولدى. ۆيرۋستىڭ سالدارىنان قانشاما ادام قايتىس بولدى. ۆاكتسينانىڭ تيٸمدٸلٸگٸنە سەنبەسەم, بۇل جەردە وتىرماس ەدٸم. ٶزٸمدٸ, وتباسىمدى جەنە وقۋشىلارىمدى قاتەردەن قورعاعىم كەلەدٸ», - دەيدٸ تاريحشى.
