نۇرسۇلتان نازارباەۆ ەۋەجايىندا ۋاقىتىن ٷنەمدەگٸسٸ كەلگەن جولاۋشىلار ٷشٸن «Fast track» اتتى جاڭا قىزمەت تٷرٸ ٸسكە قوسىلدى, دەپ حابارلايدى قازاقپارات.
«بۇل قىزمەت تٷرٸ بارلىق حالىقارالىق ەۋەجايلاردا ۇسىنىلادى, ول كەزەكتە تۇرماي ۋاقىتىن ٷنەمدەگٸسٸ كەلگەن جولاۋشىلارعا ارنالعان. ەندٸگٸ ۋاقىتتا بٸزدٸڭ ەۋەجايدا كەز كەلگەن جولاۋشى اقىسىن تٶلەپ, قول جٷگٸمەن Fast track ارقىلى تەكسەرۋدەن جىلدام ٶتە الادى. نەگٸزگٸ جٷك اتالعان قىزمەتتٸڭ ٸشٸنە كٸرمەيدٸ, تەك قول جٷگٸ. قازٸرگٸ ۋاقىتتا Fast track ارقىلى تٸركەلۋ Fly Arystan جەنە Qazaq Air ەۋە كومپانييالارىنىڭ جولاۋشىلارى ٷشٸن قولجەتٸمدٸ» , - دەدٸ «نۇرسۇلتان نازارباەۆ حالىقارالىق ەۋەجايى» اق باسقارما تٶراعاسى عابيت تەجٸمۇراتوۆ.
سونداي-اق, ەۋەجاي باسشىسى باسقا ەۋە كومپانييالاردىڭ اتالعان قىزمەتكە قوسىلماۋ سەبەبٸن ايتا كەتتٸ.
«باسقا ەۋە كومپانييالارى جولاۋشىلاردى تٸركەۋ, تەكسەرۋ قىزمەتٸن ٶز ەسەپتەرٸنەن جٷرگٸزەدٸ. سول سەبەپتٸ مەن ول باسقا ەۋە كومپانييالاردىڭ جولاۋشىلارى الدىن الا كەلٸپ تٸركەلگەنٸ جٶن», - دەيدٸ ول.
ونىڭ ايتۋىنشا, Fast track قىزمەتٸ ەرەسەك ازاماتتار ٷشٸن 4000 تەڭگە, 12 جاسقا دەيٸنگٸ بالالار ٷشٸن 50 پايىز جەڭٸلدٸك, ال 0-دەن 2 جاس ارالىعىنداعى سەبي ٷشٸن تەگٸن. سونداي-اق, ەرەكشە كٷتٸمدٸ قاجەت ەتەتٸن جاندار ٷشٸن دە اتالعان قىزمەت تەگٸن بولىپ تابىلادى. جەنە جاڭا قىزمەت تٷرٸ بار-جوعى 3-5 مينۋت ۋاقىتتى الادى.
