نۇرسۇلتان نازارباەۆ حالىقارالىق ەۋەجايىندا 10 مامىردان باستاپ Ashyq قوسىمشاسى ارقىلى جولاۋشىلارعا رۇقسات بەرۋ جوباسى ەنگٸزٸلۋدە, دەپ حابارلايدى "ۇلت اقپارات" حالىقارالىق ەۋەجايدىڭ باسپاسٶز قىزمەتٸنە سٸلتەمە جاساپ.
جوبانى 12 مامىردان باستاپ تولىققاندى ٸسكە قوسۋ جوسپارلانىپ وتىر. موبيلدٸ قوسىمشانى قر دەنساۋلىق ساقتاۋ مينيسترلٸگٸنٸڭ جالپى بازاسىمەن ينتەگراتسييالاۋ ارقىلى جولاۋشىنىڭ قازٸرگٸ ۋاقىتتا ۆيرۋستىڭ تاسىمالداۋشىسى ما, جوق پا دەگەن مەرتەبەسٸ ايقىندالادى. ياعني جولاۋشىلار مەن ەۋە كومپانييالارى مەن ەۋەجاي قىزمەتكەرلەرٸنٸڭ قاۋٸپسٸزدٸگٸ ٷشٸن قابىلدانىپ جاتقان سانيتارييالىق شارالارعا (ماسكا, تەرمومەترييا, جەلدەتۋ جەنە ت.ب.) قوسىمشا باقىلاۋ قامتاماسىز ەتٸلەدٸ.
تەرمومەترييا (دەنە قىزۋىن قاشىقتان ٶلشەۋ) Covid-19 بەلگٸلەرٸنٸڭ بٸرٸن انىقتاۋعا كٶمەكتەسەدٸ (دەنە تەمپەراتۋراسىنىڭ جوعارىلاۋى), ال Ashyq قوسىمشاسى جولاۋشىلار مەن قىزمەتكەرلەرگە قوسىمشا قاۋٸپسٸزدٸك كەپٸلٸ بولماق.
وسىعان بايلانىستى, بارلىق جولاۋشىلاردان ەۋەجايعا كەلگەنگە دەيٸن الدىن الا قوسىمشانى جٷكتەپ الىپ, ٶز مەرتەبەسٸن تەكسەرۋ سۇرالادى. تەرمينال عيماراتىنا سارى جەنە قىزىل مەرتەبەلٸ جولاۋشىلارعا كٸرۋگە رۇقسات بەرٸلمەيدٸ. رەيسكە جٸبەرٸلمەگەن جاعدايدا, قاراجاتتى قايتارۋ بويىنشا سۇراقتاردى ەۋە كومپانييالارى قاراستىرادى.
ەستەرٸڭٸزگە سالا كەتەيٸك, 17 قاڭتاردان باستاپ قازاقستان رەسپۋبليكاسىنىڭ تسيفرلىق دامۋ, يننوۆاتسييا جەنە اەروعارىش ٶنەركەسٸبٸ مينيسترلٸگٸ جەنە قر دەنساۋلىق ساقتاۋ مينيسترلٸگٸ تاپسىرىس بەرگەن Ashyq موبيلدٸ قوسىمشاسى شاعىن جەنە ورتا بيزنەستٸڭ جەكە نىساندارىنا قولجەتٸمدٸلٸكتٸ قامتاماسىز ەتتٸ.
